2019 Election: Lee ndị ntorobịa chọrọ ịzọ ọchịchị n'Imo steeti

Ndị chọrọ ịnọchite ndị Imo steeti Image copyright Kemas Osuji na Ngozi Roosevelt Mbamara

Dịka ntuliaka a ga-eme iji họpụta ndị ga-anọchi ndị mmadụ bido na 2019 ruo 2023 na-abịa nso nso, BBC Igbo chọrọ ịgba ndị chọrọ ịnọchite ndị Imo steeti n'anwụ.

N'ime ọnwa ole na ole gara aga, Onyeisiala Muhammadu Buhari binyere aka n'akwụkwọ kwuru na ndị ntorobịa nwere ike ịzọ ọkwa ọchịchị.

Nke a mere ka obi kaa ndị ntorobịa, mee ka ha bido ịpụta n'igwe kwupụta ebumnuche ha gbasara ịzọ ọkwa ọchịchị gọọmentị.

BBC Igbo jụrụ ma e nwere ndị dị afọ 18-40 chọrọ isonye ọchịchị n'afọ 2019, lee ndị nke si Imo steeti.

Ụlọomeiwu ukwu:

Precious Uwadikaechere Nwadike dị afọ 38, bụ onye ntaakụkọ nwekwara ụlọọrụ akwụkwọ akụkọ.

Ọ bụ onye Ọlụ chọrọ ịnọchite anya 'Imo West' n'ụlọomeiwu ukwu.

Image copyright Precious Uwadikaechere Nwadike

Ụlọomeiwu nta

1. Chinedu Nnawuihe Onyegbula dị afọ 36, bụ Injina.

Ọ bụ onye Nkwerre chọrọ ịzọ oche n'ụlọomeiwu nke nta.

Image copyright Chinedu Nnawuihe Onyegbula

2. Obinna Ebirim dị afọ 32, bụ dọkịta

Ọ chọrọ ịnọchite anya Mbaitoli/Ikeduru n'ụlọomeiwu nta

Image copyright Obinna Ebirim

Gọvanọ

Dr Anthony Iroegbu Njoku dị afọ 37, bụ Injinia.

Ọ bụ onye Ogbe, Ahiazu Mbaise, chọrọ ịnọchi Rochas Okorocha n'oche gọvanọ.

Image copyright Anthony Njoku

Ụlọomeiwu nke steeti

1. Prince Ngozi Roosevelt Mbamara dị afọ 32, bụ onye ọkaiwu.

Ọ bụ onye Amato-Amaraku chọrọ ịnọchite anya ndị Isiala Mbano n'ụlọomeiwu nke steeti.

Image copyright Prince Ngozi Roosevelt Mbamara

2. Osuji Kemas dị afọ 30, bụ ọkachamara n'ihe gbasara azụmahịa ka o si gbasa ọrụugbo, nke Bekee kpọrọ 'agribusiness consultant'.

Ọ chọrọ ịnọchite anya ndị Owerri North n'ụlọomeiwu nke steeti.

Image copyright Kemas Osuji

Kedụ onye ị ga-akwado?

Akụkọ ga-amasị gị

Ihe ndị ọzọ n'akụkọ a