Eunice Atuejide ọ gbaala onwe ya egbe n'ụkwụ?

Eunice Atuejide Image copyright Eunice Atuejide/google drive

Otu nwaanyị na-apụta ịzọ ọkwa ọchịchị onyeisiala bụ Eunice Atuejide na-enweta ọkụ ugbua dịka aha ya na-ewu maka okwu 'feminism'.

Eunice kwupụtara n'akara Twitter ya na ya abụghị 'feministi' ma ncha.

N'okwu ya, "Abụghị m feministi! Nwaanyị anaghị esiri di ya nri? Ụmụnwaanyị na-akparị ụmụnwoke maka na ọ masịrị ha?"

Ọtụtụ mmadụ anabataghị okwu a okwuru, ha bidoro ịkatọ ya.

@OlayinkaFO1 kwuru na ọ bụ ihe mwute na nwaanyị dịka ya aghọtaghị ihe feminism pụtara.

@NaijaFlyingDr kwukwara na ozi ya gosiri na ọ ghọtaghị ihe bụ feminism.

@Allyshimmer kwuru na ịbụ feminism bụ nwaanyị ịnwe ohere ị họrọ ihe ọ chọrọ ị bụ na ndụ ya.

Ngwaọrụ gị akwadoghi ọkpụkpọ mgbasa ozi
Media captionChimamanda akọwapụtala onye "feministị" bụ

Mana ọ bụghị onye ọbụla katọrọ ya, @KingDavidJasper kwuru na ndị mmadụ aghọtaghị ihe ọ na-ekwu.

...Mana ọ dịghị ka ihe ndị a emetụrụ Eunice, lee ihe o kwuru maka ihe a na-eme.

Ihe ndị ọzọ n'akụkọ a