National Assembly: Gịnị na-eme n'ụlọọrụ ndị omeiwu n'ụtụtụ a?
National Assembly: Ndị DSS gbochiri ndị omeiwu ibanye ụlọọrụ ha
Ọnụ na-ekwuchitere osote onyeisiala Naịjirịa bụ Laolu Akande ekwuola na ha ga-enyocha ihe mere eji gbochie ụfọdụ sineto ị banye ụlọomeiwu n'ụtụtụ a.
O kwuru na ọ maghị ma akụkọ kwuburu na e gbochiri ụfọdụ ndị sinetọ ị banye n'ụlọọrụ ha a bụ eziokwu.
Ọ gwara BBC Igbo na ọ gaghị ekwulị ihe ọ bụla gbasara nkpebị ndị ọrụ nchekwa mere mgbochi a.
Ebe foto si, Getty Images
Cheta na BBC nwetara ozi n'ụtụtụ a na ndị uweojii pụrụiche na-egbochi ndị Sịnetọ ịbanye ụlọọrụ ha ugbua n'Abuja.
Ndị ọzọ na-ekwu na ọ bụ ụfọdụ sịnetọ ka DSS gbochiri ebe ha kwere ka ndị ọzọ banye.
Ebe foto si, Olu Onemola
Ndị fụrụ ekpo na-egbochi ndị mmadụ ịbanye n'ụlọomeiwu Naịjirịa
A na-anụ kepu kepu na Ben Murray-Bruce bụ otu onye n'ime ndị e gbochiri ịbanye ụlọọrụ ha n'Abuja.
Ebe foto si, Olu Onemola
Akụkọ kwuru na-esi n'azụ ụlọ ezobanye ụfọdụ ndị sinetọ.
Ebe foto si, Olu Onemola
Olu Onemola bụ ọnụ na-ekwuchitere onyeisi ụlọomeiwu Naịjirịa bụ Bukola Saraki, tinyere ihe nkiri gosiri ka ndị DSS na-egbochi ndị mmadụ ibanye ụlọọrụ ha.
O kwukwara na ọ bụ atụmatụ ndị nọ n'ọchịchị ichutu Saraki na Ike Ekweremadu bụ osote ya, n'isi oche.
Omeiwu Rafiu Ibrahim so na ndị egbochiri.
