Akụkọ dị mkpa n'ụtụtụ a: Onye ntọ ejirila Tramadol ṅụtara onwe ya nsogbu

Akụkọ ndị dị mkpa

Ihe ntọ ọchị

Nkenke aha onyonyo Ọtụtụ ndị ntorobịa na-arịa isimgbaka na ọrịa dị icheiche n'ihi oke ịṅụ ọgwụ ụkwara

Ụwa emebiela o! Onye bịara ịtọ mmadụ emeela ihe a ga-eji cheta ya.

Ọnụ na-ekwuchitere ndị uweojii n'Ondo steeti kwuru na ha nwụchiri ya bụ onye ntọ ka ọ rahụfuru ụra n'ụlọ onye ọ bịara ịtọ maka na ọ ṅụrụ ọgwụ tramadol.

Ndị si APC na PDP pụọ a nọ na nsogbu?

Image copyright Getty Images
Nkenke aha onyonyo Ihe Lai Mohammed kwuru banyere ebubo nwunye Nnamdi Kanu boro gọọmenti etiti

Minista na-ahụ maka mgbasa ozi na Naịjirịa bụ Lai Mohammed, ekwuola sị na ndị si otu pati gafee ọzọ mara na ha agaghị agbanarị ikpe ma ọ bụrụ na enyochapụta mmerụaka n'aka ha.

O kwukwara na gọọmentị etiti ka na-enyocha ebubo e boro Kemi Adeosun bụ minista na-ahụ maka akụnaụba, maka asambodo adịgboroja.

Gụọ akụkọ a n'uju ebe a: Ikpe ga-ama onye ikpe ga-ama' - Lai Mohammed

Na mba ofesi,

Onyeisiala ndị Ivory Coast bụ Alassane Ouattara, etiela iwu iji gbaghara Simone Gbagbo bụ nwunye onye chịburu mba ahụ.

Image copyright SIA KAMBOU/AFP/Getty Images

Cheta na Gbagbo gara nga mkpụrụ ọka ebe ọ kwesịrị ịnọ afọ iri abụọ maka itinye ọnọdụ nchekwa steeti na nsogbu.

Iwu a kwuru ka a tọghapụ ya na mmadụ narị asaa na iri itoolu na itoolu ndị ọzọ.

N'egwuregwu,

Image copyright Getty Images

Thibaut Courtois bụ aka na-echere Chelsea goal ọ ka ga-agbara ha? Enwebeghị onye ma ọnọdụ ya maka ihe o mere ụnyaahụ.

Courtois bụ onye ndị mmadụ na-eche ịnụ ma ọ ga-agafe Real Madrid, esoghị ndị otu ya mee nkwado ha mere.

Nkeji ụtụtụ taa

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ikọ mgbe ọbụla

Ihe nkiri nke taa

Ikechukwu Uche kwuru na obi dị ya ụtọ ịgbara Naịjirịa bọọlụ.

Ngwaọrụ gị akwadoghi ọkpụkpọ mgbasa ozi
Media captionIke Uche: Nrubeisi bụ ụzọ eji eme nke ọma na bọọlụ

Isiokwu Ndị Emetụtara