Godswill Akpabio: Nsogbu ndị dapụtara maka ọpụpụ Akpabio na PDP

Godswill Obot Akpabio Image copyright Godswill Obot Akpabio Facebook
Nkenke aha onyonyo Akpabio chịrị Akwa Ibom steeti dịka gọvanọ site n'afọ 2007 ruo 2015

Ọ na-akpọtụ n'Akwa Ibom steeti ka onye bụbu gọvanọ ha bụ Godswill Akpabio, hapụrụ PDP gafee APC.

Akpabio na-anọchite anya ndị 'Ikot Ekpene Senatorial District' n'ụlọomeiwu ukwu, gafere APC ụbọchị Wenezde ka naanị ụbọchị anọ gachara ọ gbara ọrụ onye ndu ndị kachasị nta n'ụlọomeiwu ukwu nke Bekee kpọrọ 'Minority Leader' arụkwaghịm.

Kemgbe Akpabio kwupụtara ọpụpụ ya, elu na ala apụrụla ọkụ n'Akwa Ibom.

Gịnị na-eme?

  • 1. A kpachiela akpaego ndị Akwa Ibom:

Akụkọ si na ntaakụkọ Cable.ng na-akọwa na e nyere iwu sị ka akpachie akpaego ndị Akwa Ibom, ka ego ghara ịpụ maọbụ bata.

Ndị EFCC ekwubeghị ihe ọbụla gbasara ma ọ bụ eziokwu ma ọ bụ asị.

Ndị mmadụ na-ekwu na ọ dị ka Akpabio a ma na ụdịrị ihe a ga-eme, mere o ji gbaghapụ PDP gafee na pati nọ n'ọchịchị bụ APC.

Kola Ologbondiyan bụ ọnụ na-ekwuchitere ndị PDP tinyere ọnụ na-asị ka a gbaghee akpaego ahụ ozugbo.

Onye ọzọ bụ @JacobsonBright1 na-ekwu na a gbachiri akpaego a maka na a chụrụ nwanne Akpabio n'ọrụ.

  • 2. A chụọla ụfọdụ ndị n'ọrụ:

A chụọla ụfọdụ ndị ọkwa ha gbagoliteren'ọrụ, ọkachasị ndị a na-ahụta dịka ndị ha na Akpabio nwere otu mmekọrịta maọbụ ọzọ.

Otu n'ime ha bụ Ibanga Akpabio; nwanne Godswill bụbu kọmishọna nke mịnịstrị na-ahụ maka ọrụ (Ministry of Labour and Productivity).

Ndị ọzọ a chụkwara bụ Victor Antai bụbu Kọmishọna nke mịnịstrị na-ahụ maka Omenaala na Njem nlegharị anya (Ministry of Culture and Tourism).

Gịnị na-emezị ugbua?

Akụkọ ga-amasị gị