Akụkọ dị mkpa n'ụtụtụ a: Onyeisiala Buhari nwere ike ịlọta njem ya taa

Akụkọ ndị kachasị mkpa taa:

Buhari a ga-alọta taa?

Image copyright Getty Images

Dịka Shehu Garba bụ ọnụ na-ekwuchitere ya si kwuo, Onyeisiala Muhammadu Buhari ga-alọta Naịjirịa taa ka ọ nọchara ezumike ụbọọchị iri na ise na London.

Cheta na e kwuburu na ọ ga-anọ ezumike ahụ ụbọchị iri.

Kofi Annan anwụọla

Image copyright Getty Images

Kofi Annan, onye bụbu onye odeakwụkwọ ukwu UN nwetara nturugo 'Nobel Peace Prize' anwụọla ka ọ gbachara afọ 80.

N'aka ọzọ,

Image copyright @SamuelOgundipe
Nkenke aha onyonyo Samuel Ogundipe banyere n'ụlọọrụ Premium Times n'afọ 2009

Samuel Ogundipe bụ onye ntaakụkọ 'Premium Times' ndị uweojii jidere ma tọhapụ ka ụbọchị atọ gachara, ekeleela ndị Naịjirịa maka nkwado ha nyere ya oge a nwụchiri ya.

O kwuru na ọ bụ ọkụ ndị Naijiria kwanyere mere ya jiri nwere onwe ya.

Ohaneze adọọla Igbo aka na ntị:

Ohaneze Ndigbo adọọla ndị Igbo aka na ntị ka ha kwụsị ịkpọrị ndị Yoruba ọkachasị na soshal midia.

Odeakwụkwọ ha bụ Everest Ozonweke, kwukwara sị gbaa mbọ nyochapụta ma ihe ị chọrọ ide ọ bụ eziokwu tupu ị dee ya.

Mba Ofesi:

Image copyright EPA

A na-edu Imran Khan iyi ọrụ dịka Praịm minista mba Pakistan n'ụtụtụ a.

Cheta na a họpụtara Khan dị afọ iri isii na ise na ntuliaka e mere n'ụlọomeiwu ala ha ụnyaahụ.

N'egwuregwu,

Image copyright Getty Images

Chelsea na Arsenal ga-ama mbe nabọ nke bụ oke ma ha zute mgbe o ji ọkara gafee elekere ise nke mgbede taa.

Ebe otu Kelechi Iheanacho na-agbara bọọlụ bụ Leicester City na Wolverhampton ga-akụkọta mpi n'ehihie a.

Gere akụkọ mere n'ụtụtụ a n'otu nkeji:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe niile

Ihe nkiri nke taa:

Ụfọdụ ụmụnwaanyị ndị ọnụ na-eru n'okwu n'egwuregwu akọwala ụfọdụ nsogbu egwuregwu bọọlụ ụmụnwaanyị na-enwe na Naịjirịa.

Ngwaọrụ gị akwadoghi ọkpụkpọ mgbasa ozi
Media captionGọọmentị gbahapụrụ egwuregwu ụmụnwaanyị na Naịjirịa.

Isiokwu Ndị Emetụtara