A tụọla ndị Naịjiria abụọ nga mkpụrụ ọka maka ịgba mgbere mmadụ

Ndị akwụna

Ebe foto si, AFP/Getty Images

Nkọwa foto,

Ndị mgbere ahia akwụna na-eji

Ụlọikpe dị na Saụt Afrịka atụọla ndị Naịjrịa abụọ nga mkpụrụ ọka maka ịgba mgbere mmadụ

ụlọrụakụkọ Saụt Afrịca, www.dfa.co.za kwuru na a nwụchiri Frank Amaku na Ilo Promise Somadina n'ọnwa Eprelụ afọ 2016 n'ụlọ ọrịrị na ọṅụnụ dị na Fourway, ebe ha jichiri ndị ha ji n'ọrụ.

A mara mmadụ abụọ ahụ ikpe maka ebubo ịtọrọ ụmụnwaanyị, were ha na-akpara ego nakwa idebe ha n'ọnọdụ ahụhụ dị icheiche.

A zọpụtakwara mmadụ ise ha kpachiri kpọgaha ebe nchekwa.

Otu onye n'ime ụmụnwaanyị ndị a boro ebubo na ha kwewwere ya nkwa ọrụ, were si na obodo ya bụ Upington kpọga ya ebe ọzọ, ebe ha manyere ya ịṅụ ọgwụ ike, see ya foto ebe ọ gba ọtọ nke ha tinyere na websait.

Ọ kwukwara na ha na-ebu ya gaa be ụmụnwoke maka mmekọrịta maja ya na ha ga-egbu ya ma ọ bụrụ na ya kpọ ndị ikwu na ibe ya.

Ebe ndị amara ikpe gọrọ na ha emeghị ya, ma kwuo na ha ga-agbagharị akwụkwọ.

Ọnyeisi ngalaba na-ahụ maka inyocha mpụ na mba Saụt Afrịka bụ Godfrey Lebeya kwuru na mkpebi ahụ ga-abụ ịdọ aka na ntị nye ndị na-akpagbu ụmụnwaanyị.

Onye ọkaiwu ha rịọrọ ka e mere ha ebere n'ihi na ha ka dị obere mgbe ha mere mpụ ahụ n'afọ 2016.

Akụkọ ga-amasị gị: