Akụkọ dị mkpa na mgbede a: Ndị uweojii egbochiela mwakpo ụlọụka na Jos

Akụkọ ndị dị mkpa

Image copyright Getty Images

Ndị uweojii awụnyela aja na garị ndị na-achọ ịgba otu ụlọụka katọlịk dị na Jos ọkụ.

Terna Tyopev na-ekwuchitere ndị uweojii na Platu steeti kọwara na ọ bụ esemokwu dị n'etiti otu ntorobia abụọ butere nke a.

O gwara ndị ntaakụkọ na okwu bidoro mgbe otu nwata nwaanyị kwuru na nwoke so n'otu ndị ọzọ metọrọ ya n'ụzọ mmekọahụ.

Ndị otu ya gara ịbọ ta ọbọ maka ihe mere onye nke ha, ọgụ esi ebe ahụ bido.

Ndọrọndọrọ ọchịchị

Image copyright Eunice Atuejide
Nkenke aha onyonyo Atuejide gbadoro ụkwụ n'otu NIP na-azọ ọkwa onyeisiala na ntuliaka 2019.

Nwa ada Enugu steeti na-azọ ọkwa onyeisiala Naịjirịa bụ Eunice Atuejide apụtala ịkọwa ọgbaghara na-eme na pati ya bụ NIP n'ịchafụ.

Atuejide kwuru na ọ bụ ndị aghụghọ na-agbalị ịhụ na ọzụzọ ọkwa ya mara afọ n'ala site n'ibo ya ebubo mpụ na nrụrụaka ego.

Okwu na-akpọtụ

Na mba ofesi

Ndị mba Saut Afrịka akpụọla onyeisiala Amerịka Donald Trump n'ala na soshal midia maka okwu o kwuru na gọọmentị Saut Afrịka na-anara ndị ọrụụgbo ndịọcha ala ha ma na-egbu ha.

N'Egwuregwu.

Image copyright Google

Aka na-achịkọta otu egwuregwu Leicester city bụ Claude Puel ekelela ọnye ọgba bọọlụ Naịjirịa Wilfred Ndidi dịka Ndịdị binyere aka n'akwụkwọ ọrụ ọhụrụ nke afọ isii n'otu egwu ahụ.

O kwuru na Ndidi bụ onye na-agba mbọ nakwa eme ihe ị tụ anya n'ọgbọ egwuregwu bọọlụ.

Gee Nkeji nke mgbede a

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile