Gọvanọ Ugwuanyi: Ego ọnwa ndị nọ ezumike nka agbagoola n'Enugwu steeti

Akụkọ ndị kachasị mkpa taa:

Buhari ekwela Theresa May nkwa

Image copyright Getty Images
Nkenke aha onyonyo Theresa May na Buhari zuteburu na UK n'ọnwa Epreelụ nke afọ a

Onyeisiala Muhammadu Buhari kwuru na ọ ga-akwado ntuliaka ziri ezi n'afọ 2019, O kwere nkwa a ka ya na Theresa May bụ praịm minista ndị Briten zụkọrọ n'Abuja ụnyaahụ.

Cheta na May bịara Naịjirịa ka ya na Buhari kpaa maka azụmahịa, nchekwa nakwa ịgba mgbere mmadụ.

Ugwuanyi

Image copyright Enugu state official website

Gọvanọ Ifeanyi Ugwuanyi ekwuola sị na ụgwọ a na-akwụ ndị lara ezumike nka arigoola ihe karịrị nde narị naịra ise site na nde narị naịra abụọ ọ bụbu.

O kwuru sị n'agbanyeghị na ego ahụ dịka ibu anyị danda nye gọọmentị, na obi dị ha mma na ịkwụ ya na-eme ka ndụ dịrị ndị agadị mfe.

Na mba ofesi,

Mba Jamini ebughachitela okpokoro isi ndị mba Namibia nwụrụ na mgbukpọ nke agbụrụ ihe karịrị afọ narị gara aga.

Image copyright AFP
Nkenke aha onyonyo Ndị si Namibia bịara kwanyere ndị nwụrụ anwụ ugwu

E zigara ọkpụkpụ ndị ahụ Jamini maka nchọpụta ahụ akatọrọla nke bụ iji gosi na ndị ọcha ka ndị isi ojii mma.

N'egwuregwu,

A pịapụla Andy Murray n'agba nke abụọ nke asọmpi tenis bụ US Open.

Image copyright Getty Images

Fernando Verdasco meriri ya n'ihe bụ asọmpi Grand slam nke ise ọ na-esonye kemgbe a wachara ya ahụ maka ahụ o merụrụ n'ukwu na Jenụwarị.

Gere akụkọ dị mkpa n'ụtụtụa n'otu nkeji:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe nkiri nke taa:

Ụfọdụ ndị Igbo ekwuputela ihe ha ga-achọ ka Praịm Mịnịsta Briten mere ha ka ya na onyeisiala Muhammadu Buhari zukọrọ.

Ngwaọrụ gị akwadoghi ọkpụkpọ mgbasa ozi
Media caption"Ihe anyị chọrọ ka Theresa May mere anyị"

Isiokwu Ndị Emetụtara