Ọgbaaghara eriela ndụ mmadụ atọ na Saụt Afrịka

Akụkọ ndị dị mkpa

Image copyright AFP

Mmadụ atọ anwụọla na mba Saụt Afrịka taa dịka ndị mmadụ na-eme ngagharị iwe na Soweto maka ndị mbịara mbịara na-ere ngwa ahịa adịgboroja.

Ndị uweojii Saut Afrịka kwuru na ha anwụchiela mmadụ iri abụọ n'asaa ma na-eme nyocha ị chọta ihe malitere okwu a.

Akụkọ ọzọ na-ekwu na ọgbaghara bidoro mgbe onye na-azụ ahịa si mba Somalia gbagburu otu nwata nwoke chọrọ i zụ ya ohi.

Cheta na ude Saut Afrịka dere na mba Afịrka niile dịka ọgbaaghra yiri nke a mere n'afọ 2008.

Na Naịjirịa,

Akụkọ na-eru anyị ntị ugbua na-ekwu na Onyeisi ụlọomeiwu ukwu bụ Bukola Saraki ekwupụtala na ya ga-azọ ọkwa onyeisiala na 2019.

O kwupụtara nke a n'Abuja n'ọgbakọ ya na ndị ntorobia chọrọ ịzọ ọchịchị nwere taa bụ Tọọsde.

Ọzọ,

Ọgbakọ otu ndọrọndọrọ ọchịchị dị ịcheịche bụ PACT n'ịchafụ ahọpụtala Fela Durotoye dịka onye ga-anọchịte anya ha n'ịzọ ọkwa onyeisiala na ntuliaka 2019.

Ha kwuputara aha ya taa dịka ha mechara ntụliaka imeụlọ. Fela ekelela mmadụ niile jịkọrọ aka họpụta ya.

N'egwuregwu,

Onye na-echere Naịjirịa bọolụ bụ Francis Uzoho ekuputala ka obi di ya dịka o bidoro ọrụ ọhụrụ ya n'otu egwuregwu Elche na Spain.

Cheta na ọ cheburụ Deportvio La Coruna bọolụ tupu Elche anata ya na mbimbi.

Gee nkeji nke mgbede a

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Akukọ ndị ga-amasị gị: