Kemikal na-ebu ọrịa kansa nọrọ n'ime akwa akwụkwọ - SON

Akụkọ ndị kachasị mkpa n'ụtụtụ a

Kemikal na-ebu ọrịa kansa nọrọ n'ime akwa akwụkwọ - SON

Image copyright Getty Images

Ngalaba na-enyocha ihe a na-emepúta ma ọ dị ezi mma bụ Standards Organisation of Nigeria adọọla ndị na-atụbata akwa ụmụakwụkwọ n'ime Naijiria aka na ntị maka ịtụbatta aa nke nwere otu kemikal na-ebute ọrịa kansa.

Ha kwuru na kemikal a dị n'ime akwa ụmụakwụkwọ ụlọọrụ Sing Shun Fat School-Clothier Company na Zenith Uniform Company na-emepụta na China.

INEC emechiela odide aha n'akwụkwọ ntuliaka n'afọ a

Image copyright Getty Images

Ngalaba na-ahazị ntuliaka na Naijiria bụ INEC ekwuola na ha agaghị agbati ohere ha nyere ndị mmadụ iji denye aha n'akwụkwọ ntuliaka a kpọrọ PVC n'aha ichafu karịa ụbọchị ha hiwere maka ya.

Odeakwụkwọ INEC bụ Rotimi Oyekanmi kwuru na nke a bụ iji nye INEC ohere ịkwadobe ihe niile e kwesiri ime tupu mbido ntuliaka nke 2019 nke ọma.

Mana ha ga-alaghachi na inye PVC na ngwụcha yabụ ntuliaka.

Vanessa Marquez anwụọla

Image copyright Getty Images

Na mba ofesi, ndị uweojii na Kalifonia nke mba Amerika agbagbuola otu nwaanyị onye ihe nkiri só n' ihe nkiri Ameríka ama ama bụ 'E-R' aha ya bụ Vanessa Marquez.

Ha gbagburu Marquez nwere ọrịa isi maka na o chere ndí uwe ojii egbe n'ihu oge ha gara be ya.

Serena emeriela Venus

Image copyright Getty Images

N'egwuregwu, Serena Williams emeriela nwanne ya tọrọ ya bụ Venus Williams n'asọmpị US Open. Serena jir agba were banye agba nke anọ n'asọmpị a.

Gere akụkọ dị mkpa n'ụtụtụa n'otu nkeji:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe nkiri nke taa:

Abịa n'obodo ndị kacha mma ibi n'ụwa, Sydney, Vancouver, Ọsaka nakwa Toronto so na ndị kacha mma, ebe Legọs, Karachi na Dhaka so na ndị kacha njọ.

Ngwaọrụ gị akwadoghi ọkpụkpọ mgbasa ozi
Media captionLee obodo kacha mma ibi n'ụwa