2019 Election: Etu ndị mmadụ si nabata ndị ntorobịa ịzọ ọchịchị

Ndị ntorobịa si steeti ise chọrọ ịzọ ọchịchị

Ebe ụfọdụ kwetara na oge eruola ka ndị ntorobịa banye na ndọrọndọrọ ọchịchị na Naịjirịa, ndị ọzọ kwuru na ha hapụ zọọ n'afọ 2023.

N'ime izu ise sitere n'izu mbụ nke ọnwa Ọgọstụ rue izu mbụ nke ọnwa Septemba, BBC Igbo gosipụtara ndị ntorobịa Igbo chọrọ isonye na ndọrọndọrọ ọchịchị nke afọ 2019.

Ụfọdụ ndị mmadụ gosipụtara ọṅụ ha na ndị ntorobịa nwere ọchịchọ ịzọ ndọndọrọ ọchịchị, ebe ndị na-akwado Biafra kwuru sị na ha achọghị ịma, sị nye ha Biafra.

Aha onyonyo,

Paul Okoye nke otu P-Square na-akpọku ndị ntorobịa Naịjirịa

Anambara steeti

Ndị Anambara kacha kesaa akụkọ a, nke pụtara na ọ bụ ya ka ndị mmadụ kacha gụọ.

Mmadụ abụọ chọrọ ịzọ oche n'ụlọomeiwu ukwu, mmadụ abụọ chọrọ ịbanye n'ụlọomeiwu nta, ebe mmadụ isii chọrọ ịnọchite anya ndị obodo ha n'ụlọomeiwu nke steeti.

Ha tinyekwara ọnụ n'okwu a na soshal midia.

Enugwu steeti

Ndị Enugwu bụ ndị abụọ kachaa kesaa akụkọ gbasara ndị ntorobịa si steeti ha chọrọ ịzọ ọchịchị. Ọ pụtara na ha nwere mmasị ebe ha nọ?

Otu onye pụtara ịzọ ọkwa onyeisiala, otu onye chọrọ ịbanye n'ụlọomeiwu ukwu ebe mmadụ ise chọrọ inweta oche n'ụlọomeiwu nke steeti.

Lee ihe ndị Enugwu mere gbasara akụkọ a na Facebook:

Imo steeti

Ndị Imo steeti bụ ndị nke atọ na ndị kesara akụkọ a. Ọ pụtara na ha kwadoro atụmatụ ndị ntorobịa ịnọ n'ọkwa ọchịchị?

Otu onye chọrọ ịzọ oche n'ụlọomeiwu ukwu, mmadụ abụọ chọrọ ịnwa ike ha ịzọta oche n'ụlọomeiwu nta, otu onye chọrọ ịnọchi Rochas Okorocha n'oche gọvanọ, ebe mmadụ abụọ chọrọ ịzọta oche n'ụlọomeiwu nke steeti.

Ebonyi steeti

Ebonyi gbara onye nke anọ na ndị gụrụ akụkọ nke ha nke ọma. Ọ bụ ndị ntorobịa ga-eweta mgbanwe ahụ ha na-achọ?

Otu onye chọrọ ịbanye n'ụlọomeiwu ukwu, otu onye chọrọ ịbakwa na nke nta, ebe mmadụ atọ chọrọ ịzọta oche n'ụlọomeiwu nke steeti.

Lee ihe ndị mmadụ kwuru maka ndị ntorobịa Ebonyi na Facebook

Abịa steeti

Ndị ntorobịa enwere olileanya ịzọta ọchịchị n'Abịa?

Mmadụ abụọ chọrọ ịzọta oche n'ụlọomeiwu nta, otu onye na-achọ ịhụ ma ọ ga-achụpụ Okezie Ikpeazụ n'oche gọvanọ, ebe mmadụ anọ chọrọ ịzọta oche n'ụlọomeiwu nke steeti.

Ị nabatara atụmatụ a? Ndị ntorobịa etozuola inweta ọkwa ọchịchị na Naịjirịa etu ọ dị ugbua?

Akụkọ ndị ga-amasị gị: