Akụkọ dị mkpa taa: Ipob na United Nation nwere nzukọ

Akụkọ dị mkpa taa

Nzukọ Ipob na United Nation

Image copyright Getty Images

Ndị isi otu Ipob na otu United Nation nwere mkparịta ụka na Switzerland n'abalị iri na anọ nke ọnwa Seputemba maka ogbugbu ndị otu na Naịjirịa.

Emma powerful bụ ọnụ na-ekwuru ndị otu a kwuru na ọ bụ osote onye ndụ ha bụ Uche Mefor du ndị ipob mee njem ahụ.

Ntuliaka Osun steeti akrla ọnụ

Nkenke aha onyonyo Ntuliaka na-aga n'ihu n'Osun state

Dịka ọ dị ugbua ntuliaka ịhọpụta gọvanọ Osun Steeti akwakọrọla ọnụ na-enweghi ọgbaghara ọbụla.

Ụlọọrụ INEC na-agụkọzi akwụkwọ mbinyeaka na Wọdụ na Wọdụ tupu akpọpụta aha onye meriri na ntuliaka.

Akụkọ si mba ofesi

Image copyright AFP

Ndị oji egbe agbagbuola mmadụ ruru iri abụọ na ise na mmemme ngosi ndị agha Iran mere n'obodo Ahvaz nke mba ahụ.

Ndị agha nnupuisi Ahvaz National Resistance nakwa Islamic State ekwuola na ọ bụ ha mere mwakpo a.

N'egwuregwu

Image copyright Getty Images

Otu na-ahụ maka egwuregwu bọọlụ n'Afrịka CAF amachiela onye ogbu bọọlụ mba Guinea bụ Baba Leno igbu bọọlụ n'afọ iri.

Nke a bụ dịka nyocha onye ntaakụkọ Anas chọpụtara na Leno naara ego dị narị dọla ise bụ nke o kwetara na ọ bụ eziokwu.

Nkeji Nke abalịa

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe nkiri nke taa:

Mgba ndị obodo Igbuzo n'emume iri ji ọhụrụ ha.

Ngwaọrụ gị akwadoghi ọkpụkpọ mgbasa ozi
Media captionIri ji: Ndi ike pụtara n'uju na mgba Igbuzo

Nwata makata mma...

Anita Ukah nke si n'Imo steeti abụrụla agbọghọ makarịchara na Naịjirịa niile dịka emere nyocha n'abali Fraide ụbọchị 22 nke septemba.

Image copyright MBGN/FACEBOOK
Nkenke aha onyonyo Anita meriri Miss Nigeria bụ onye Imo steeti

Nwaada Ukah meriri ụmụagbọghọbịa ndị ọzọ ruru iri atọ n'isii ndị nọchiri anya steeti ndịọzọ na Naịjirịa nakwa isiobodo bụ Abuja.

Ihe nke a pụtara bụ na ọ ga-anọchị anya Naịjirịa na nchọpụta a ga-eme na China n'ọnwa disemba ịji mata agbọghọ makarịrị na mba ụwa niile.

Ọzọ,

Anya mba Naịjirịa niile nọ n'Osun steeti ugbua dịka ha na-akwado ịme ntụliaka họpụta onye ga-achị steetị ha n'afọ anọ n'abịa.

Dịka ndị mba ofesi bịara ịme nyocha na-ekwu na ha kachasị etinye anya n'ihe gbasara nrụrụaka vootu.

Na Delta,

Otu nwaanyị amụọla nwa n'ogige ndị gbara ọsọndụ site n'idemmiri nke dị n'Asaba na Delta steeti.

Nwaanyị ahụ bụ Oriakụ Chidinma Ismaila kelere gọọmentị steetị ahụ maka enyemaka ha nyere ya ị mụpụta nwa ya.

Na mba ofesi

Image copyright Getty Images
Nkenke aha onyonyo A mụrụ otiegwu a na Barbados

Mba Barbados echiela onye otiegwu bụ Rihanna echichi dịka Onye nnọchị anya ha bụ ambassador na bekee

Ọrụ ya ga-achịkọta ihe gbasara agụmakwụkwọ, ịtinye ego n'obodo nakwa ịnabata ndị ọbịa nke pụtara Tourism na bekee

N'egwuregwu,

Onye ọgba bọọlụ otu Arsenal Pierre Emmerick Aubameyang ekwuola na nna ya ekwuputabeghị na ọ ga-achịkọta otu egwuregwu mba Gabon.

Iwe ya bụ na ngalaba na-ahụ maka egwuregwu bọọlụ kpọpụtara aha nna ya dịka onye nkuzị ọhụrụ ya na-anụbbeghị ma o kwetala ị nara ya bụ ọkwa.

Gee Nkeji nke ụtụtụ a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe onyonyo nke taa

Ngwaọrụ gị akwadoghi ọkpụkpọ mgbasa ozi
Media captionIri ji: Ndi ike pụtara n'uju na mgba Igbuzo