Akụkọ dị mkpa: APC eyigharịala ntụlịaka imeụlọ ekwesiri ime tata

Akụkọ kachasị dị mkpa taa:

APC sịzị na ntụlịalaka imeụlọ bụzị echi

Nkọwa foto,

APC napụrụ PDP ọchịchị n'afọ 2015

Ka ọ dị ụgbụa, otu APC ebughariela nhọpụta imeụlọ ha hibeburu Mọnde.

Ya bụ nhọpụta imeụlọ ga-abụzị echi ebe APC Imo steeti ahọpụtala onyeisiala Buharị dịka onye ga-anọchite anya ha na ndọrọndọrọ ọchịchị nke 2019.

Onweghị onye ya na ya zọrọ ọnọdụ a na steeti ahụ.

Mgbe BBC Igbo gaara n'ulooru APC n'Enugu steeti imaata ihe na-eme ha kwuru na ọ ga-aga ihu echi, mana ha ekwughi oge o ga-amalite maọbụ ogige a ga-ano mee ya bu ntuliaka.

Ha kwuru na ndenye aha ndi eme ntuliaka nke bu "accreditation of delegates" ga-amalite n'elekere asato nke ututu n'Okpara square.

Nke a mere na ufodu n'ime ha agaghi aga uka

Nwa Osita Osadebe anwụọla n'idemmiri

Nkọwa foto,

Idimmri nyuru ndị Anambra ịkpakwụ n'afọ a

BBC achọpụtala na-ezie na Idemmiri gburu Okechukwu Osadebe bụ nwa onye egwu, Osita Osadebe ụnyahụ.

Ahuru ozu ya na ụtụtụ tata bụ Satọde.

Aisha Jummai abanyela pati ọzo

Ka ọ dị ụgbụa, otu APC ebughariela nhọpụta imeụlọ ha hibeburu tata.

Ya bụ nhọpụta imeụlọ ga-abụzị echi ebe APC Imo steeti ahọpụtala onyeisiala Buharị dịka onye ga-anọchite anya ha na ndọrọndọrọ ọchịchị nke 2019.

Onweghị onye ya na ya zọrọ ọnọdụ a na steeti ahụ.

West Ham emeriela Man. U 3-1

Nkọwa foto,

Manchester United na West Ham kwatara ya ụbọchị Satọde

N'egwuruegwu, West Ham ewerela ọkpụ atọ asatara otu (3 - 1 )nyụọ ndị Manchester United anya na asompi premier League tata.

Rashford nke Man. U ji otu ọkpụ ahụ gbara isi onwe ya.

Ogbugbu ndị Naịjirịa na Ghana

Buhari na onyeisiala Nana Akufo Addo nke Ghana zutere ebe ha kpara maka ihe ndị Naịjirịa na-azụ ahịa na mba ahụ na-agabiga.

Addo kasiri ya obi ma gwa ya na amaghị ama awakpo ndị Naịjirịa.

N'akụkọ yiri ya,

Onyeisiala Muhammadu Buhari ebunyela Tony Iwobi bụ onye isiojii mbụ bụ onye omeiwu na mba Italy ụkpa ekele maka ọkwa ya.

N'akụkọ ọzọ,

Gọọmentị Plateau steeti amachiela ndị mmadụ ịpụta ezi site n'ụtụtụ ruo n'abalị na mpaghara ugwu na ndịda Jos dịka e gburu mmadụ iri na anọ n'ụlọ n'obodo Rukuba na steeti ahụ.

Na mba ofesi,

Ihe ruru mmadụ iri atọ anwụọla n'ihe mberede alaọmajijiji n'obodo Palu dị na mba Indoneshia.

Cheta na alaọmajijiji a kpakwara mkpamkpa n'obodo Lombok dịkwa na mba ahụ ebe o gburu ihe karịrị mmadụ narị anọ na iri isii.

N'egwuregwu,

Chelsea na Liverpool ga-akwakọta mpi na mgbede taa na Premier League.

Cheta na Chelsea ji ọkpụ abụọ asatara otu gbapụ Liverpool n'asọmpi Iko Carabao oge ha zutere ụbọchị abụọ gara aga.

Gere akụkọ ndị a n'otu nkeji:

Aha nkeananụānụ,

Akụkọ ga-amasị gị ịkọ taa niile

Lee ihe nkiri nke taa:

Nwaanyị onyeọcha na-asụ Igbo karia ufọdụ ndị Igbo ekwuola ka o si wee mụta asụsụ Igbo n'ụzọ dị mfe.

Aha onyonyo,

Etu nwaanyi a si buru Igbo n'isi ga-atụ gị n'anya