Akụkọ dị mkpa: Onye na-eyi ndụ egwu ekwesiri ịzọ ọkwa ọchịchị?

  • 5 Ọktoba 2018

Akụkọ kachasị dị mkpa taa:

Na mba ofesi,

Image copyright AFP

Gọọmentị mba somalia egbochiela otu onye bubu onye ndụ ndị otu Al-Shabbab bụ Mukhtar Robow n'ịzọ ọkwa onyeisiala na ala ha.

Ha kwuru na o nwebeghi ikike ị zọ ya bụ ọkwa n'agbanyeghị na ọ gọrọla isi ya n'otu Al-shabbab.

Na Naịjirịa

Okwu pụtara na ntụlịaka ọkwa Gọvanọ emere n'Osun steeti ebirila ọkụ ugbua

A na-anụ na ndị uweojii tụrụ anwụrụ anya mmiri na-ebe onyeisi ụlọomeiwu ukwu bụ Saraki, Ben Bruce, Dino Melaye na ndị pdp ndị ọzọ na-eme ngagharị iwe n'Abuja taa.

Iwe ha bụ na emeghi ntụlịaka ahụ n'ụzọ kwụ ọtọ, ha boro INEC ebubo ịkwunyere otu APC na ntụlịaka ahụ.

Mana dịka ọ dị ugbua, INEC agọọla ebubo ahụ na-ekwu na o nweghi onye ha na ya jikọrọ aka ịzu votu maọbụ oche gọvanọ n'osun steeti.

N'Egwuregwu,

Ngalaba na-ahụ maka egwuregwu football na mba Briten adaala manager Newcastle bụ Rafael Benitez nha ego ruru puku pounds iri isii.

Ha kwuru na ọ bụ maka na ọ dara iwu kwuru na ndị manager ekwesighi ịkwu uche ha gbasara onye ogbuopi tupu agbaa asọmpị ọbụla.

Gee Nkeji nke mgbede a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

N'ụtụtụ

Uche Ogah ahọrọla Martin Azubuike ka Osote ya

Image copyright Orji Kalu/twitter
Nkenke aha onyonyo Uche Ogah na Martin Azubuike

Onye ji ọkọrọtọ ndị APC maka ịzọ ọkwa gọvanọ Abia steeti bụ Uche Oga akpọpụtala Martin Azubuike dịka onye osote ya na steeti ahụ.

Azubuike bụbu onye omeiwu steeti ahụ si Isiala Ngwa so na ndị zọrọ inweta ikike ịnọchite APC.

Mmadụ 25 ọzọ anwụọla na Plateau steeti
Nkenke aha onyonyo Ọtụtụ mmadụ anwụọla na Plateau steeti kemgbe Jun 2018

A na-ekwu nke mere ọzọ emekwa: E gbuola mmadụ iri abụọ na ise (25) ọzọ na ọgbaaghara dị na Plateau steeti ụnyaahụ.

Onye kwuputara nke a bụ Sunday Abdu bụ onyeisi ndị Irigwe Development Associaltion bụkwara onye nnọchite anya ndị ogbe ahụ na ụlọomeiwu steeti ahụ oge gara aga.

US na Uk ebola Russia ebubo mpụ intanet

Image copyright Getty Images
Nkenke aha onyonyo Trump na Putin

N'ofesi, mba Amerịka, Briten na Netherlands na-ebo Russia ebubo ime mpụ intanet a kpọrọ 'Cyber crime' na bekee.

Ụlọọrụ ikpe nkwumọtọ dị n'aka na mba US ekwuola na Russia ji mpụ intanet enyopu ụlọọrụ na-enyocha ngwaagha kemikal nke mbaụwa nakwa nke mba Amerịka.

N'egwuruegwu, Chelsea 1 - 0 MOL Vidi

Image copyright Getty Images
Nkenke aha onyonyo Chelsea na MOL Vidi

N'egwuruegwu, na Europa league agbara ụnyahụ, Chelsea ji otu ọkpụ merie ndị MOL Vidi.

Akụkọ ga-amasị gị:

Ngwaọrụ gị akwadoghi ọkpụkpọ mgbasa ozi
Media captionImo state: Madumere bụ nwa m-Okorocha

Isiokwu Ndị Emetụtara

Ihe ndị ọzọ n'akụkọ a