Akụkọ dị mkpa tata: Okorocha ewerela ọnọdụ ịzọ ọkwa sinet Imo West

Akụkọ kachasị dị mkpa taa:

Rochas enwetala ikike maka ịzọ ọkwa Sinet Imo West

Image copyright Getty Images

Gọvanọ Imo Steeti bụ Rochas Okorocha enwetela ikike ịzọ ọkwa sinatọ ga-anọchite mpaghara Imo West n'ụlọomeiwu ukwu.

Okorocha ji votu karịrị otu narị puku na iri anọ na otu (141,000) merie Hope Uzodimma.

Bakare sị sị tụnyere onye ga-ahazịgharị Naịjirịa

Image copyright Getty Images
Nkenke aha onyonyo Tunde Bakare bụ onye nchịkọta Latter Rain Assemby

Onye nlekọta ndị ụka Latter Rain Assembly bụ Tunde Bakera adọọla ụmụ Naịjirịa aka na ntị ka ha gbaalịa tinyere onye ebum n'obi ya dịka onyeisala bụ ịhazịgharị ala a.

O kwuru nke a na ihe mmeme akpọrọ "The Road to 2019: Quo Vadis na asụsụ bekee.

N'ofesi,onye ntaakụkọ Saudi-Arabia efuola n'ime embasi ha

Image copyright EPA
Nkenke aha onyonyo na e gburu Jamal Khashoggi n'ime Embassy Saudi Arabịa

N'ofesi, onye ntaakụkọ mba Saụdị Arabia nwere agba efunyụọla anya n' embasi Saudi Arabia dị na Turkey.

Ndị ọrụ gọọmentti mba Turkey na-ekwu na e gburu Jamal Khashoggi n'ime ụlọọrụ mba ha ka ọ gara ịnata akwụkwọ arụkwaghịm nwunye iji nweta ikike ịlụ onye Turkey.

A mara Khashoggi dịka onye na-akatọ ọchịchị mba Saudi Arabia.

N'egwuruegwu, John terry alaala ezumike

Image copyright Getty Images
Nkenke aha onyonyo Amụrụ John Terry na 7 Dec. 1980

N'egwuruegwu, John Terry bụ onye gbaburu England nakwa Chelsea alana ezumike nka ka ọgbara afọ iri atọ na asaa.

Terry bụ onye sọgoro mpi afọ iri abụọ na atọ (23) kwuru nke an ọbaozi instagram ya.

Gee nkeji anyị nke tata

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Akụkọ ga-amasị gị:

Ngwaọrụ gị akwadoghi ọkpụkpọ mgbasa ozi
Media captionImo state: Madumere bụ nwa m-Okorocha

Ihe ndị ọzọ n'akụkọ a