Rochas Okorocha: 'Ọ bụ sọ ọgọ m Uche Nwosu ga-emeri ntụlịaka gọvanọ n'ọkwa APC'

Akụkọ dị mkpa n'ụtụtụ

Ngwaọrụ gị akwadoghi ọkpụkpọ mgbasa ozi
Media caption"O nweghi onye ọzọ ka Uche Nwosu mma" - Okorocha

Aka na-achị Imo steeti bụ Rochas Okorocha ekwuola na ọ bụ sọ ọgọ ya nwoke bụ Uche Nwosu ga-emeri ntụlịaka gọvanọ n'ọkwa APC.

O kwuru nke a dịka otu ụlọịkpe n'Abuja mapụrụ ikpe dị n'etịtị Uche Nwosu na Hope Uzodinma bụ ndị abụọ meriri ntụlịka imeụlọ n'Imo iji zọọ ọkwa gọvanọ n'okpuru APC.

Image copyright INEC official Facebook page
Nkenke aha onyonyo Victor Umeh, onye meriri ntuliaka Sineti ndị Anambra ebe mpaghara Etiti nke e mere n'ụbọchị 16 Jenụwarị, 2018

Victor Umeh bụ sinetọ nọchitere anya Anambra Central agwaala onyeisiala bụ Muhammdu Buhari ya gbaa mbọ tinye aha onye Igbo si n'ọwụwa anyanwụ n'ime aha ndị ewpụtara maka ndị ga-eso na National Defence Council nakwa National Security council iji gosi nhatanha.

Image copyright Reuters

Mba Amerịka akagbuola akwụkwọ ikike ịbata ala ha nke ha nyere mmadụ iri abụọ n'otu bụ ndị mba Saudi Arabia echere na aka ha dị n'ogbugbu Jahmal Khasoggi

Onyeisiala ahụ bụ Donald Trump kwukwara na mkpuchi ọnwụ Khasoggi bụ nke kachasị njọ kemgbe oge bidoro.

Image copyright Getty Images

Onye nkuzi otu Manchester United bụ Jose Mourinho ekwuola na otu Juventus abụghị ọgbọ ndị Manchester United n'ihe gbasara egwuregwu.

O kwuru nke a mgbe Juventus ji otu ọkpụ merie Man U mgbe ha zutere na Old Trafford.

Akụkọ dị mkpa taa

Image copyright Kingsley Dozie

Ndị ntoroọbịa Ohanaeze Ndigbo akpọkuola ụmụ nne ha ndị IPOB ka ha bịa ka e mee udo maka ọdị mma ndị Igbo na mwulite mpaghara ọwụwanyanwụ.

Onye na-arụ ọrụ dịka onyeisi ha bụ KingsKingsley Dozie kwuru na ọ ga-aghọ ndị Igbo ahịa ma ọ bụrụ na ha e sonyeghi na ntuliaka afọ 2019.

Ọgbaghara Zamfara Steeti

Image copyright AFP
Nkenke aha onyonyo Nsogbu ndị ozuu ehi atala isi ọtụtụ ndị mmadụ na Zamfara steeti

E gbuola ọtụtụ ndị mmadụ ma gbaa ọtụtụ ụlọ ọkụ n'ime ọgbaghara dapụtara n'etiti obodo Lafiya na Boshikiri nke Adamawa Steeti.

Mana ọnụ na-ekwuru ndị uweojii na Steeti ahụ bụ Abubakar Othman kwuru na ọ nụghị maka onye ọbụla e gburu kama ndị merụrụ ahụ nọ n'ụlọọgwụ ugbua.

N'ofesi

Image copyright Getty Images

Ndị a na-amaghị ndị ha bụ zigara ozi ogbunigwe n'ụlọ onye bụbu onyeisiala mba Amerịka bụ Barack Obama nakwa onye bụbu odeakwụkwọ mba ahụ bụ Hillary Clinton.

Ndị ọrụ nchekwa Secret Service kwuru na ha gbochiri ozi ndị a n'ụzọ tupu o rue ebe e zigara ha.

N'egwuregwu

Image copyright Getty Images
Nkenke aha onyonyo Asọmpi Uefa Champions bụ nke jịkọtara otu egwuregwu bọọlụ dị na mba ndị Europe nille.

N'abalịa Barcelona na Intermilan ga-achịpụ ya n'asọmpi Uefa Champịọns, ebe Dortmund na Atletico Madrid ga-ezute ibe ha.

Liverpool, Tottenham, Monaco, Napoli, FC Porto, na ndị ọzọ ga-anọkwa n'egwu.

Nkeji abalịa

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe niile

Ihe nkiri nke abalịa

Ngwaọrụ gị akwadoghi ọkpụkpọ mgbasa ozi
Media captionHyperrealism: 'A na m ese ihe maka ndụ ndị nnanna anyị'

Gee Nkeji nke ụtụtụ

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe niile