APC sị na ọ bụ Igbo nwe onyeisiala n'afo 2023

Akụkọ ndị dị mkpa taa

Ndị Igbo nwe onyeisiala na 2023 - APC

Image copyright Getty Images

Ndị oti mkpu onyeisiala Buhari na mpaghara ọwụwanyanwụ akatọọla okwu minista na-ahụ maka ọkụ bụ Fashola kwuru na ọchịchị ga-alọghachị ndịda n'afọ 2023.

Otu a kwusiri ike na ọ bụ oge ndị Igbo ịhọpụta onyeisiala n'afọ 2023.

Ndị ntọrọ ụgbọmmiri

Image copyright EPA
Nkenke aha onyonyo ụdịrị ụgbọmmiri a awakporo

Ụlọọrụ ụgbọmmiri Swiss ekwuola na atọhapụla ndị ọrụ ya mmadụ iri na abụọ atọrọ n'ihe karịrị otu ọnwa gara aga n'akụkụ osimmiri nke Naịjirịa.

Ọzọ gọọmentị mba Poland ekwuola na atọrọla ụmụafọ ha asatọ na mmadụ anọ ndị mba ọzọ nọ n'ụgbọmmiri si Angola na-abịa Naịjirịa.

Na mba ofesi,

Image copyright AFP

Otu nwaanyị agbagbuola onwe ya n'ogbunigwe ma merụọ mmadụ asatọ ahụ n'obodo Tunis bụ isi ọchịchị mba Tunisia.

Minista ime obodo nke mba ahụ kwuru na mmadụ asatọ a merụrụ ahụ bụ ndị uweojii.

N'egwuregwu

Dịka ọ dị ugbua ndị mmadụ ji ifuru na akwa na-akwanyere Vichai Srivaddhanaprabha ugwu bụ onye nwe Leicester City nwụrụ na mbere ụgbọelu helịkọpta.

Ndị ọzọ nwụrụ n'ihe mberede a bụ Nursara Suknamai and Kaveporn Punparen na-arụrụ ya ọrụ, Eric Swaffer na enyi ya nwaanyị bụ Izabela Roza Lechowicz bụ ndị ọkwọụgbọ sokwa nwụọ.

N'aka nke ọzọ Manchester City ga-ezute Tottenham n'abalịa n'asọmpi Iko Premier.

Nkeji abalị

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe nkiri

Ngwaọrụ gị akwadoghi ọkpụkpọ mgbasa ozi
Media captionOnye ndu ndị MASSOB bụ Ralph Uwazuruike gbọrọ ọkụ n'ọnụ na mkparịta ụka ya BBC

Akụkọ dị mkpa n'ụtụtụ

N'otu aka ahụ, ụgbọelu ọzọ bu mmadụ otu narị na iri asatọ na asatọ dabara n'oke osimiri n'obodo Jakarta dị n'Indoneshia.

Image copyright AFP
Nkenke aha onyonyo Otu ụgbọelu Lion (bụ ụlọọrụ ụgbọelu a dabara mmiri ugbua) adababuola na mmiri n'afọ 2013 mana enweghị onye nwụrụ mgbe ahụ.

Ndị na-egwu mmiri na Jakarta ebidola ịchọ ndị nọ n'ụgbọelu ahụ, ruo ugbua, ezinaụlọ ndị ụgbọelu ahụ bu na-eche akụkọ ga-apụta na ya.

A gụpụtala ụfọdụ ngwongwo ha dịka akpa, ekwentị nakwa ihe ndị ọzọ na mmiri.

Nnamdi Kanu

Akpụrụla Nnamdi Kanu bụ onyeisi otu IPOB n'ọnụ ọzọ.

Onye ọbụla na-ekwu maka Kanu ka ọ pụtara n'onyonyo ndị mba Izrel ebe ọ gwara onye ntaakụkọ gbara ya ajụjụ ọnụ na ndị gọọmentị Naịjirịa ekweghị emezu ihe ndị ọ gwara ha mee, nke gụnyere ịtọghapụ Ibrahim El-Zakzaky nakwa Sambo Dasuki.

Anthony Anenih alaa mmụọ

Dimkpa adaala ka Anthony Anenih bụ otu n'ime ugwu a na-arị atụ egwu na ndọrọndọrọ ọchịchị Naịjirịa lara mmụọ.

Image copyright @bukolasaraki/Twitter

Akụkọ kwuru na Anenih dị afọ iri asatọ na ise nwụrụ n'Abuja ka ọ rịachara ọrịa ihe ruru otu izuụka.

Gụọ akụkọ gbasara Anenih n'uju ebe a: Ihe ise ị na-amaghị maka Tony Anenih

N'egwuregwu,

Ndị otu Barcelona lụrụ otu Real Madrid dịka nwaanyị na be ndị Madrid ka ha zutere n'asọmpi El-Classico.

Image copyright Getty Images
Nkenke aha onyonyo Luiz Suarez na-agbara Barcelona bọọlụ nyere goolu atọ n'ime otu egwuregwu a

Ha ji ọkpụ goolu ise a satara otu (5-1) gwọọ Madrid ịba n'ogige Nou Camp bụ be ndị Madrid. Ihe onye ọbụla kpụ n'ọnụ ugbua bụ "a ga-achụ Julen Lopetegui n'ọrụ?"

Gere akụkọ ndịa n'otu nkeji ebe a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe nkiri nke taa

Ngwaọrụ gị akwadoghi ọkpụkpọ mgbasa ozi
Media captionTony Elumelu tinyere N1.8m n'ahịa akị oyibo m - Chigozie