Oby Ezekwesili ekwuola na ya a Ipob ga-enwe mkparitaụka ma ọ chịwa Naịjirịa

Ezekwesili
Nkenke aha onyonyo Ezekwesili katọrọ pati APC na PDP maka ndị ha weputara ịzọ oche onyeisiala

Onye na-azọ oche onyesiala n'okpuru pati Allied Congress Party of Nigeria (ACPN) bụ Oby Ezekwesili ekwuola na ọ ga-akpọkete ndị otu niile na-agba isiakwara, gee ha nti ma mata ihe bụ iwe ha.

Ezekwesili kwuru nke a n'ọgbakọ o kpokobara ịzị ndị ntakaụkọ ozi gbasara ndị che na ọgaghị emeri na ntuliaka na-abịanụ.

O kwuru na ọ bụ ya bụ onye ga-achịnwụ Naịjirịa ugbua makana ndị otu pati PDP na APC agaghị emetanwụ ihe dị na ya.

Ezekwesili kwuru na otu PDP na APC bụ otu pati nke ya ga-akpọ "Butiku" maka na ndị ha wepụtara ịzọ ọkwa onyeisiala bụ otu ihe n'agwa.

Ọ gwara ndị ntorobia bịara ọgbakọ a ka ha ghara ịtụnyere ndị ga-eme ka ha nọrọ n'ahụhụ nakwa na oge eruola mgbe ha ga-eji kwuo na o zuola nke ikpeazu.

Nkenke aha onyonyo Ezekwesili kwuru na ọ ga-ege ndị ọ na-enweghị ka ọha ha nti

Ezekwesili kwuru na ọ ga-enye ndị na abụghị ndị ọrụ gọọmenti ohere ka ha wulite akụ na ụba Naịjirịa ma ọ banye oche onyeisiala na 2019 ruo ya aka.

O jikwa ohere a kele ndị be Tony Anenih onye bụ bu onyeisi n'otu ndọrọndọrọ ọchịchị bụ PDP ma rịọ ka Chukwu kasie ha Obi.

Ihe asatọ Ezekwesili kwuru na ọgbakọ mbasa ozi a

  • O kwuru na o nwere aha ọma na mbaụwa niile
  • O kwuru na ọ ga-eme ka ụmụ Naịjirịa ruru nde asato pụọ n'ụbiam
  • APC na PDP bụ nwanne, Chukwu agaghị ekwe ka ha chịa ọzọ.
  • Akpara m ike mgbe enyere m ohere iso na ndị rụrụ ọrụ na gọọmentị n'afọ 2007.
  • Ụmụ Naịjirịa kwesiri ịjụ ndị tagoro akị n'ọchịchị bụ ndị na-achọ nanị akpa ha.
  • Ọ gụpụtara akwụkwọ nchọpụta gosiri na akụnaụba Atiku ga-ada mmiri ma ọ bụrụ na o merighị ndọrọndọrọ a.
  • Ọ katọrọ ọchịchị Buhari kwuo na mmerụaka agahị alusanwụ mmerụaka ọgụ.
  • O kwuru ọtụtụ ọrụ ọma ọ rụụrụ Naịjirịa mgbe o nwetara ohere dịka onye ọrụ gọọmentị.

Akụkọ ndị ọzọ ga-amasị gị