Chieftaincy title: Ihe ọ na-ewe nwaanyị inweta echichi n'ala Igbo

Tonto Dike na Oge Okoye Image copyright Instagram/OgeOkoye/TontoDike
Nkenke aha onyonyo Tonto Dike na Oge Okoye bụ ndị na-eme ihe nkiri na Nollywood

Abịa n'ihe gbasara echichi n'ala Igbo, ụmụnwaanyị katara ahụ ka a na-echibu ya, mana ugbua ọtụtụ ndị na-echizi echichi n'agbọghọbịa.

Enweghị mgbe Igbo sọrọ nsọ nwaanyị ichi echichi, kama mgbe gboo naanị ụmụnwaanyị lụrụ di maọbụ nwere ezigbo ego ka ọ dịịrị ichi echichi, mana ugbua, afọ ole nwaanyị dị anaghị egbochi ya ichi echichi.

Ụmụnwaanyị na-eme ọfụma n'azụmaahịa maọbụ gụrụ akwụkwọ ọfụma chọrọ ichi echichi ga-echinwu ya ma ọ bụrụhaala na uche ya dị ya, ma bụrụkwa na ọ ga-emenwu ihe dị n'ime ya.

Gịnị dị na nwaanyị ichi echichi n'ala Igbo?

Tupu nwaanyị Igbo echie echichi, ego ji ọrụ. Ọ ga-eme ọtụtụ ihe e ji ego eme.

  • Ọ ga-azụta ma ji ma ede ma ọjị nakwa nnu
  • Ọ ga-ewetakwa ego nke a ga-ekesara ụmụnwaanyị ndị nọ n'otu ndị na-echi echichi
  • Ọ ga-azụta mmanya dị iche iche

Akụkọ kwuru na ihe kpatara e ji eme ihe ego otu a bụ ịmata ma nwaanyị na-achọ ichi echichi onwere ikike ịbụ "omere ọha" ma ihe ndapụta dapụta.

Ụbọchị a ga-akpọpụta ya n'ihu ọha ugboro abụọ ebe ọ ga-eji egwu duputa ụmụnwaanyị ndị ọzọ chiri echichi n'ihu ọha.

Ihe nwaanyị Igbo chiri echichi agaghị emenwu

Na nwaanyị chiri echichi agaghị eme ya ka o nweta ohere ime ihe ụmụnwoke ibe ya nwere ike ime.

  • Ịgba mmọnwụ
  • Ịlụ ọgụ maọbụ ịga agha
  • Ịwa ọjị
  • Ịrị osisi nkwụ

Ụmụnwaanyị Igbo na-ewuewu chiri echichi

Oge ụmụnwaanyị anọ a nwetara echichi ha, ha alụbeghị di.

1) Ome ihe nkiri bụ Genevieve Nnaji chiri echichi 'Eze Ada nke Amuzu Nweafọr' n'afọ 2014.

2) Chika Ike bụkwa onye na-eme ihe nkiri chikwara echichi 'Akwa Ugo mbụ nke Amoli' n'afọ 2013.

3) Oge Okoye nwetara echichi 'Igolo Nwaanyị mbụ nke Awgu' n'afọ 2013

4) Tonto Dike nwetara echichi 'Adadịọramma nke mbụ na Nollywood' ya n'afọ 2017

Akụkọ ga-amasị gị: