Ndị ụlọomeiwu Anambra steeti echeela ndị uweojii aka mgba

Akụkọ dị mkpa

Image copyright Maduagwu na Magnum

Ndị ụlọomeiwu anambra steeti agwaala ndị uweojii ka ha gbahie ụlọọrụ ha ha mechiri ka mgbe izuụka garaaga ka ha rụọ ọrụ ha.

Cheta na nsogbu dara n'ụlọọrụ ahụ oge ụfọdụ n'ime ndị omeiwu steeti ahụ chuturu onyeisi ha bụ Rita Maduagwu, mana Maduagwu ka na-ekwu na ya bụ onyeisi ụlọomeiwu steeti ahụ.

Atiku ekwela ndị Naịjirịa nkwa

Image copyright Getty Images

Atiku ekwuola na ọchịchị ya ga-abụ maka mmadụ niile nọ na Naijiria, na agbanyeghị mpaghara ha si.

O kwuru nke a na Monde n'ime ozi ịchụ nta vootu maka 2019.

N'ofesi

Image copyright Getty Images

N'ofesi, ndị uweojii anwụchiela Carlos Ghosn bụ onyeisi ụlọọrụ Nissan na-arụpụta ugbọala dị iche iche.

Ha na-ebo ya ebubo mpu na aghụghọ.

N'egwuregwu

Image copyright Getty Images

Onye ọgbabọọlụ otu Wolves bụ Jonny Otto agaghị eso n'asọmpị ọbụla ruo izu isii makana akwara dọwara ya.

N'akụkọ yiri ibe ya, ndị uweojii na-ekwu na ha ka na-eleba anya n'ebubo nwakpo dị n'isi ọgba bọọlụ ama ama aha ya bụ Paul Gascoigne.

Mana Gascoigne na-ekwusi ike na aka ya dị ọcha.

Gee nkeji abalị a

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Lee ihe nkiri anyị

Ngwaọrụ gị akwadoghi ọkpụkpọ mgbasa ozi
Media captionWorld Toilet Day: 'Isi nsị anaghị ekwe anyị kute ume ndụ'