Ndị mmadụ kugburu onye uweojii gburu onye Lastma

LASTMA na Uweojii Image copyright @followlastma/@policeng
Nkenke aha onyonyo Adeyemo Rotimi dị afọ iri anọ na isii tupu ọnwụ ya

Njiji jiri dịka onye uweojii ngalaba FSARS zutere ọnwụ n'ike maka iji egbe gbagbuo onye ọrụ okporoụzọ bụ Lagos State Traffic Management Authority (Lastma).

Onye uweojii gburu onye ọrụ Lastma a kpọrọ Adeyemo Rotimi dị afọ iri anọ na isii n'ụbọchị Wednesde ebe elekere isii nke abalị, nke mere ndị mmadụ jiri kụgbuo ya n'ike.

Nke a mere n'ụzọ Iyana Ipaja dị na Legọs mgbe Rotimi na-akwụsị ụgbọala onye uweojii ahụ.

Ụlọọrụ LASMA dere maka ọnwụ onye otu ha nke a n'akara twitter ha:

N'atufughi oge onye na-ahụ maka mkpesa n'aka ndị uweojii bụ Yomi Shogunle gakwara na twitter dee maka ọnwụ onye uweojii ahụ a kugburu na-akpọghị aha ya.

Mana ọnụ na-ekwuru ndị uweojii na Legọs Steeti bụ Chike Oti kwupụtara aha onye uweojii ahụ dịka Olukunle Olonade na-arụ na ngalaba FSARS nke Ikeja.

Oti kwuru "nke a mere n'ihi na onye uweojii nupuruisi n'iwu na-achị okporoụzọ nke mere onye LASMA jiri kwụsị ụgbọala bụ nke butere esemokwu n'etiti ha abụọ.

"Olonade wepụtara egbe ya ma gbagbuo Rotimi, nke a were ndị mmadụ iwe ha jiri kụwa ihe tupu ndị uweojii bịa napụta ya mana o mechara nwụọ n'ụzọ ụlọọgwụ.

"Onye Kọmishịọna ndị uweojii na Legọs Steeti enyela iwu ka e kpee Olakunle Olonade ikpe n'ọnwụ ma chụọ ya n'ọrụ ndị uweojii."

Akụkọ ndị ga-amasị gị: