Tiwa Savage na Yemi Alade a na-akọ ọnụ otele?

Tiwa Savage na Yemi Alade Image copyright Tiwa Savage/Yemi Alade

Akụkọ dị mkpa

Akụkọ na-efegharị na soshal midia bụ na Tiwa Savage na Yemi Alade na-ekpere onwe ha ikpe banyere onye otele ya ka ibu.

Yemi Alade bulitere okwu oge o dere na Twitter ya na "Ọ bụghị ime ka otele gị dịka ka oburu na foto, Ị ma na ị dịka akara edemede 'I'. Kwụsị ịghọgbu ndị ihe gị na-amasị. Were onwe gị ka chi gị ssi kee gị."

N'otu aka ahụ, Tiwa jikwara ikpe saa ya.

Tiwa gara n'ihu gwa ya ka ọ ghara ibido ọgụ ọ gaghị alụchali.

'Ọgụ' ahụ butere ndọrịtaụka n'etiti ndị ihe ndị otiegwu abụọ ahụ na-amasị.

Ebe ụfọdụ kwunyere Tiwa, ndị ọzọ kwụnyere Yemi.

@Terrybrainz kwuru na Yemi na-eghu Tiwa anyaọkụ kemgbe.

@Bigstan82745069 kwuru na Yemi Alade ka Tiwa Savage eewu na mba ofesi ọkachasị n'Afrịka, na otele ya kakwa nke Tiwa

Yemi Alade mechara rịọ mgbaghara maka ihe a odere, ma si na ọ bu ndụmọdu ka ya na-enye ndị mmadụ.

Ọkụ gbara ụgbọala mmanụ na Legos

Ọkụ agbala mmanụ na-ebu mmanụ na nso Maryland Bridge dị na Legos.

Image copyright @TrafficChiefNG

O nweghị onye ma ihe butere ọkụ ọgbụgba ahụ mana o mere ka ahịrị ụgbọala karia n'okporoụzọ gawara Ọjọta na Ketu dị na Legọs.

A kpọchiri ebe e hiwere mmalite ọsọ achụmnta vootu Hope Uzodinma n'Owere

Ndị a na-eche na ha na-arụrụ gọọmenti Imo steeti ọrụ kpọchiri ama egwuregwu Dan Anyiam dị n'Owere ebe e hiwere mmalite ọsọ achụmnta vootu Hope Uzodinma.

Ọnụ na-ekwuru Gọvanọ Rochas Okorocha bụ Sam Onwuemeodo n'ekwentị, o kwuru na Uzodinma etinyeghị akwụkwọ iji nata ikike iji ama egwuregwu ahụ mee ihe n'aka Kọmịshọna ọ dị n'aka.

EFCC nwuchiri mmadụ abụọ n'Enugwu

Image copyright AFP
Nkenke aha onyonyo EFCC na-alụ ọgụ megide mmerụaka na ala Naijiria

Ngalaba na-ebu agha megide nrụrụaka bụ EFCC mpaghara Enugwu anwụchiela mmadụ abụọ bu nde dọla abụọ n'ụma ụbọchị Tọsde na ọdọgbọelu Akanu Ibiam dị n'Enugwu.

Ndị uweojji Spen na ndị Katalonia kwatara

Ndị uweojii mba Spain na ndị obodo Catalonia ndị na-achọ nnwereonwe site na spain kwatara na Barcelona.

Ndị Catalonia ndị na-emem ngagharịiwe tụrụ ndị uweojji okwute,ebe ndị uweojii siri okporo saa ha.

Roy Keane katọrọ ManU maka Mourinho

Image copyright Getty Images

N'egwuregwu,

Onye bụbụ onye ndụ otu bọọlụ Manchester United bụ Roy Keane akatọla agwa ndị egwuregwu otu ahu kpasara Jose Mourinho.

Keane sị na agwa ha kpara tupu a chụọ Mourniho bu ihe mechụ ihu. Ọ sị na nke a gosiri na ha abụghi ndị zuru ka eme.

Ndi omekome awakpola ime obodo na Zamfara

Image copyright AFP
Nkenke aha onyonyo Ndi mere ihe ahụ gbagburu ụmụaka na ndị okorobia na-agbalị iche obodo ahụ nche

Akụkọ sị Zamfara na-akọwa na ọtụtụ mmadụ nwụrụ mgbe ndị omekome wakporo ime obodo atọ na steetị ahụ.

Mwakpo a mere na n'okpuru ọchịchị ime obodo Birnin Magaji.

Ndị bi ebe ahụ kwuru na ọtụtụ mmadụ nọ n'ugbo ha mgbe ajọọ ihe a bịakwutere ha.

N'okwu ndọrọndọrọ ọchịchị,

Image copyright Facebook

Onyeisi ndị Omeiwu Naịjirịa bụ Bukola Saraki akatọla bọọjetị Onyeisiala Muhammadu Buhari nyere ya na ndị otu ya ụbọchị Wenesde.

Saraki sị na ya bụ ihe Bekee kpóró Budget 2019 agaghị enyere Naịjirịa aka.

Ka nke a na-eme, onye bụbụ osote gọvanọ na Kano edurula ụfọdụ ndi na-akwado aka chịbụrụ Kano steeti bụ Rabiu Kwankwaso laghachi APC.

Hafizu Abubakar na ndị otu ya so kwankwaso gbaga PDP n'afọ a, mana ha ekwughi ma ọ ga-eso ha n'azụ na nlaghachi a.

N'ofesi,

Image copyright Reuters
Nkenke aha onyonyo James Mattis na Donlad Trump

Onye odeakwụkwọ Amerịka n'ihe banyere nchekwa bụ Jim Mattis etinyela akwụkwọ arụkwaghịm

Mattis sị na ya mere nke a makana echiche ya gbasara etu Amerịka na mba ofesi ga-emekọta adabaghị.

Ihe na-eme ka Trump si ndị agha Amerịka nọ agha na mba Sirịa lọta.

N'egwuregwu,

Image copyright Getty Images
Nkenke aha onyonyo Naịjirịa na mba Congo, England na Czech ga-asọ mpi enyi na enyi tupu e bido asọmpị iko mbaụwa n'ezie

Super Eagles nke NaỊjirịa ka bụkwa ndị nke iri anọ na anọ n'ụwa.

Nke gosiri na ha apụghi n'ọkwa ha no n'ọnwa Ọktoba.

Eagles bụ ndị nke anọ n'Afịrịka ka Senegal ka tụrụ ugo dịka ndi nke mbu n'Afịrịka.

Gee akuko a ebe a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe niile

Ihe nkiri taa:

Ngwaọrụ gị akwadoghi ọkpụkpọ mgbasa ozi
Media captionỌ ga-ekwe gị mee, kwuo ihe bụ 'Flag' n'Igbo