Zamfara Killings: Ndi mmadụ abaala okporoụzọ n'obodo Tsafe igosi iwe ha maka ogbugbu mmadụ

Ngagharị iwe na Tsafe, Zamfara steeti Image copyright Abubakar Balarabe Ibrahim Chafe

Ndị mmadụ bara okporoụzọ taa n'obodo Tsafe dị na Zamfara steeti igosi iwe ha maka ogbugbu mmadụ na mwakpo ndị ọzọ na-eme na steeti ahụ.

Ihe nkiri ndị mmadụ tinyere na Facebook gosiri ọtụtụ mmadụ ji osisi na mma na-aghagharị ma na-ekwu "anyị achọghị".

Onye ntaakụkọ BBC Hausa gwara BBC Igbo na ọ bụ maka ahụghị enyemaka gọọmenti banyere ọtụtụ mmadụ gbara ọsọndụ bata Tsafe, bụ iwe ndị a na-eme ngagharịiwe.

N'ụbọchị Satọde gara aga, bụ Disemba 22, 2018, mmadụ 16 nwụrụ n'obodo Magamin Diddi dị n'okpuru ọchịchị Muradun.

Aka na-achị Tsafe bụ Aliyu Abubakar Tsafe, gwara BBC na Satọde ahụ mere ya abalị atọ ndị omekome a na-abịa obodo Asaula, nke mere ndị mmadụ ji gbaa ọsọndụ.

Ọ bụ iwe ogbugbu mmadụ a mere ndị mmadu jiri na-eme ngagharịiwe.

Ugbua ndị uweojii na ndị agha agaala obodo ahụ iji hụ na a kwụsịrị ngagharịiwe a.

Akụkọ ndị ga-amasị gị: