Rochas: Ọ bụghị eziokwu na apụọla m n'APC

Akụkọ dị mkpa:

Rochas agọọla na ya hapụrụ APC

Rochas Okorocha na Imo steeti Image copyright Getty Images
Nkenke aha onyonyo Rochas Okorocha na ndị pati ya bụ APC na enwe ọgbaagha n'Imo steeti

Rochas Okorocha agọọla ya apụọla na APC sị na akụkọ ahụ na-efegharị nke kwuru na ọ banyela otu Action Alliance(AA) bụ aka ọrụ ndị nwetara ohere ịzọ ọkwa n'Imo steeti site n'ụzọ akwụghị ọtọ.

Ọnụ na-ekwuru Okorocha bụ Sam Ọnwụemedo kwuru na Rochas ka nọ na APC ma kwukwa na ọ ga-aga n'ihu n' ikwado ntuliaka Onyeisiala Buhari n'afọ 2019.

Ndị na-ahụ ka o si aga nwere afọ ojuju ka ntuliaka Congo si ga

Ndí na-ahú maka ntuliaka na mba Congo Image copyright Getty Images

Dịka ndị mba Congo chị obi n'aka na-eche mpụtara ntuliaka ha mere, otu jịkọrọ mba nọ n'Afrịka bụ African Union(AU) na otu mwulite mpaghara Ndịda-anyanwụ Afrika bụ 'Southern African Development Community' kwuru na gọọmenti Congo gbalịlr na-ịchịkọ ntuliaka ahụ.

Ndị na-ahụ ka o si aga (observers) kwuru na ha nwere afọ ojuju ka o si ga.

Ha katọọ gọọmenti maka igbochi ụfọdụ ịtụ vootu mana kwuo na ha were afọ ojuju ka ihe siri gaa.

Nke a bụ na agbanyeghị tigbuo-zọgbuo so ya bụ ntuliaka.

Mana ha katọrọ gọọmentị maka igbochi ụfọdụ ndị mmadụ isonye tuo vootu na ntuliaka ha mere.

E gbubiri intanet na mba ahụ ma gbochikwa mpaghara atọ ịtụ vootu na ntuliaka ahụ mere ụbọchịụka.

Ụfọdụ ahụghị ozu nwanne ha n'ụlọozu gbara ọkụ

ọkụ ọgbụgba Image copyright Getty Images

Ndị ezinaụlọ nwere ozu n'ụlọozu gbara ọkụ awakpola ụlọọzụ ahụ ịgbali nweta ozu nwanne ha.

Mana ụfọdụ na akwa akwa n'ihi na ha ahụghị ozu nwanne ha.

Ọkụ gbara ozu karịrị 50 n'ụlọozu ụlọọgwụ Enugwu-Ukwu General Hospital,abali ole na ole gara aga.

Otu Chelsea azụọla Pulisic

Onye egwu bọọlụ bụ Christian Pulisic agalaa Chelsea ka a zụchara ya ego paụnd iri ise na asatọ (£58 million).

Christian Pulisic Image copyright Getty Images

Agbanyeghị na otu Chelsea egola ya, ọ ka ga na-agbara otu Dortmund bọọlụ rue na ngwụcha oge egwuregwu 2018-19.

Nwa amala mba Amerịka ahụ kpara ike ka ọ wachara ka ọnwa n'oge 2015-2016.

Site n'oge ahụ, ọ gbaalara ndị otu ya bụ Dortmund bọọlụ ugboro 115 na Bundesliga, ebe o nyere goolu 15 ma mepụta ohere inye goolu 24.

Mana ọ na-adọlị n'akụkụ otu Lucien Favre ndị gbaliterela n'elu Bundesliga, dịka Bayern Munich anaghịzị ahụ azụ ha anya.

Kemgbe afọ 2018, otu Dortmund eretala ihe karịrị nde narị ato na iri atọ(£330 million).

Obi US n'Abuja sị ndị hakpọro oku bịa

Obi US n'Abuja Image copyright Twitter@USembassyAbuja
Nkenke aha onyonyo Obi US n'Abuja

Obi mba US dị n'Abuja na Legọs ekwuola na ndị niile ha kpọrọ oku maka ajụjụ ọnụ inwete akwụkwọ ikike mba ahụ nwere ike ịbịa maka ya.

Nke a bụ agbanyeghị na ụlọọrụ ha mechiri emechi maka ọrụ ndị ọzọ.

Aisha Buhari bụzị onyeisi nta vootu Ụmụnwaanyị APC

Image copyright Aisha Buhari Facebook
Nkenke aha onyonyo Nwunye Buhari na-ekwukarị uche n'ihe gbasara gọọmenti di ya

E meela Aisha Buhari onye ndu achụmta vootu di ya bụ Muhammadu Buhari.

Otu APC mekwara nwunye osote Buhari bụ Dolapo Osinbajo onye onyemaka Aisha n'otu ọrụ ahụ.

Ohaneze akpọkụọla Igbo maka ịdị n'otu

Nkenke aha onyonyo John Nnia Nwodo bụ onyeisi Ohaneze ndị Igbo

Onyeisi Ohanaeze Ndigbo bụ John Nnia Nwodo akpọkuola Igbo nọ na ụzọ na ndị nọ na ama ka ha do do do were otu uche na otu onu na-ekwu okwu mgbe niile.

Nnia Nwodo kwuru nke a n'ọgbakọ ndị 'World Igbo Leadership' kpokobara na emume Ekeresimesi ha.

Egwu ji INEC maka abụbụọrụ ndị ASUU

Image copyright Inec Official Instagram
Nkenke aha onyonyo Mahmood Yakubu were oche dịka onyeisi Inec n'afọ 2015

Ndị ụlọọrụ INEC akpọọla oku ka ndị ọrụ nkuzi mahadum a kpọrọ ' Academic Staff Union of Universities,' ASUU, n'aha ịchafụ ka ha gbaa mbọ tọhapụ abụbụọrụ ha na-agbasa gọọmentị etiti.

Ọnụ na-ekwuru INEC bụ Festus Okoye kwuru na abụbụọrụ a nwere ike imetuta ntuliaka 2019 maka na agaghị ahụ ndị na-efe ala nna ga-enyere ha aka n'ọrụ.

Ndị nta egbuola mmadụ 37 na Mali

Image copyright Huw Evans picture agency
Nkenke aha onyonyo E gbuola ọtụtụ mmadụ n'ọgụ dị n'etti ndị ọchị ehị na ndị ọrụ ugbo

N'ofesi, Gọọmenti mba Mali ekwuputala na ihe ruru mmadụ iri atọ na asaa anwụọla n'aka ndị ha na-eche na ha bụ ndị dinta na mpaghara Mopti.

Gọọmentị na-etinye anya n'arụ a bụ nke ha sị na ọ tara isi otu Eze a kpọrọ Moussa Dialo na ezinaụlọ ya.

Ọ bụghị taa ka ndị Fulanị na-achi ehi na ndị ọrụugbo zowara ala na mmiri na Mali.

Arsenal agbapụ Fulham mkpụrụọkwụrụ ọkwụrụ n'anya

Image copyright Getty Images
Nkenke aha onyonyo Arsenal

N'egwuruegwu, ndi otu egwu bọọlụ Fulham agbaghị afọ ọhụrụ nke ọma dịka Arsenal ji ọkpụ anọ asatara otu nyuo ha anya n'egwuruegwu Premiere lig agbara ụbọchị Tuzde.

Xhaka, Lacazette, Ramsey na Aubameyang bụ ndị gbara aka ahịa na ya bụ asọmmpi. Gee

Gee Nkeji Igbo

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Lee ihe nkiri anyị taa

Ngwaọrụ gị akwadoghi ọkpụkpọ mgbasa ozi
Media captionChristmas Travel: Ihe mere anyị ji etinye ego n'oge Ekeresimesi -Ekeson

Akụkọ ga-amasi gị

Isiokwu Ndị Emetụtara

Ihe ndị ọzọ n'akụkọ a