#Ekitimourns: Gwongworo akwọpiala mmadụ 12 n'Ekiti - Ndị uweojii

Ekiti accident Image copyright Sunkanmi Ogunmuko

Ndị uweojii nọ n'Ekiti steeti agwaala BBC etu gwongworo si gbuo mmadụ ruru iri na abụọ ma merụọ ụfọdụ mmadụ ahụ n'Iworoki dị n'Ekiti steeti.

Ọnụ na-ekwuchitere ndi uweojii na steeti ahụ bụ Caleb Chukwu kwuru na ya bụ ihe mberede mere n'elekere itoolu n'ọma nke mgbede satọde gara aga bụ Jenuwarị iri na abụọ.

O kwuru na ụgbọala ahụ kụrụ ụgbọala Camry wee gbaba n´ụgbọala ọzọ bu ndị mmadụ kwọgbuo ha ma gbabakwazịa n'otu ụlọ dịketere ụzọ.

Image copyright Sukanmi

O kwuru na ya bụ gwongworo bu osikapa mana o nweghị ike ịkọwa onye nwe ya.

Image copyright Sunkanmi Ogunmuko

Ndị nzọpụta nọkwa ebe ahu ugbua na-ahụ na ha zọpụtara ndị tọrọ n'okpuru ụgbọala ahụ.

Chukwu kwuru na e bugala ozu ndị nwụrụ anwụ n'ụlo ozu ma kpọgaa ndị merụrụ ahụ ụloọgwụ.

Image copyright Sunkanmi Ogunmuko

Otu onye nọ mgbe ihe a mere kwuru na ọ kara aka njọ maọbụrụ na ụmụakwụkwọ Mahadum Ekiti pụtara izụ ahịa makana ya bụ ahịa diketere nso ebe ha bi.

Akụkọ ndị ga-amasị gị:

Isiokwu Ndị Emetụtara