Ezekwesili: Ebe ọ wụsala ngwa ọgụ ya, patị ya na-akwadozi Buhari

Ngwaọrụ gị akwadoghi ọkpụkpọ mgbasa ozi
Media caption2019 Elections: Olileanya ndị Ụkpọ nwere n'ebe Oby Ezekwesili nọ

Otu ndọrọndọrọ ACPN bụbu ebe Ezekwesili rịgọrọ a zọ ọkwa ọchịchị akachapụla ihe o meere n'ịwụsa ngwa ọgụ ya.

Iwe ha bụ na Ezekwesili agwaghị ha maọbụ jụọ ha ọha tupu o kwụsị njem ị bụ onyeisiala.

Nke a mere na ACPN ekwekọrịtala ịkwado onyeisiala Muhammadu Buhari na ntụlịaka n'abịa.

N'otu aka ahụ ngalaba Inec ekwuola na ha anabataghị omume Ezekwesili n'iihi na ọ mejọrọ iwu kwuru na ọnye ọbụla chọrọ ịkwụsị ịzọ ọkwa onyeisiala ga-eme ya tupu o rue ụbọchị 45.

Image copyright Oby2019.com

Ọ bụ n'ụtụtụ a ka Oby Ezekwesili bụ onye na-azọ ọkwa onyeisiala n'okpuru pati ACPN chịsara ngwa ọgụ ya.

O kwuru na ọ kwekọrịtara nke a n'onwe ya dịka emechara ndọrịtaụka n'etiti ya na ndị ọzọ.

Ọ zipụtara ozi a site n'akara Twitter ya.

O kwuru na ọ ga-akwado ọgbakọ ndị ọzọ a kpọrọ PACT bụ nke o so na ya mbụ.

Buhari hibere iwu maka ọrụsị

Image copyright Doris Akonanya/Facebook

Onyeisiala Mohammadu Buhari ebinyela aka n'iwu ga-amachị ịgbachapụ ndi nwere ọrụsị .

Iwu a sị na ụlọ ọrụ ọbụla kpasara mmadụ oke maka ọrụsị ga-akwụ nde naịra, ka onye nkiti mere ya ga-akwụ puku narị naira, maọbụ ga mkpọrọ ọnwa isii

Ndị agha egbuola ndi omekome na Zamfara

Image copyright Nigerian Army

Ndị agha naịjirịa nọ n'atụmatụ ọrụ akpọrọ Sharan Daji na Zamfara steeti sị na ha gbụrụ ndị omekome iri ise na asatọ ma gbapụta mmadụ iri asaa na ise n'aka ha.

Ndị agha sị na ha zutere ndị a n'ime ọhịa Dumburum na Gando ma kwuo na isi ndị agha abụọ nara na ọgụ ahụ

Venezuela achụpụla ndị Amerịka

Image copyright Getty Images

Onyeisiala mba Venezuela bụ Nicholas Maduro akagbuola mmekọ mba ahụ na Amerịka , ma nyekwa ndị ọrụ mmekọ Amerịka abalị atọ iji si na mba ha pụọ.

Nke a n'abịa na azụ ka onyeisiala Amerịka bụ Donald Trump kwadoro onyeisi pati na-anọghị n'ọchịchị bụ Juan Guaido dịka onyeisiala mba ahụ.

N'egwuregwu

Naomi Osaka na Karolina Pliskova na-asọmpị iji mara onye ga ezute Petra Kvitova na agba nke ikpeazu iko Australian open.

Petra Kvitova meriri Daniella Collins iji tozuo iga asọmpị ikpeazu.

Gee nkeji a ebe a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe niile

Ihe ndị ọzọ n'akụkọ a