Chief Justice of Nigeria: Buhari achụọla Okaikpe Onnoghen, nye Tanko Muhammad ọkwa

Walter Onnogehn Image copyright National Judicial Council

Akụkọ na-eru anyị ntị ugbua na-ekwu Onyeisiala Muhammadu Buhari chụpụrụ ọkaiwu ukwu Naịjirịa eboro ebubo na-okwughi ego dị n'ulọ akụ ya.

Onye dere maka ihe a bụ onye enyemaka Onyeisiala Buhari na soshal midi bụ Bashir Ahmad.

Akara Twitter onyeisiala mechara dee na Ọkaikpe Ibrahim Tanko Muhammad anụọla iyi ọrụ iji nọchite anya Onnoghen.

Ọkaikpe Tanko ga-anọdụ ruo mgbe onye ọzọ ga-apụta dịka Ọkaikpe ukwu nke Naịjirịa.

Amụrụ Tanko Muhammad n'afọ 1953 n'obodo Doguwa ndị n'okpuru ọchịchị ime obodo Giade di na Bauchi Steeti.

Image copyright NGRPresident

Ihe a Onyeisiala Buhari mere emela ka ọtụtụ mmadụ na-ekwu okwu na social media.

Ụfọdụ sị na ihe a Buhari mere abụghị ihe iwu Naịjirịa kwadoro.

Ụfọdụ, dika aka na-achi Kaduna steeti bu Nasir El-Rufai, na-akwado ya.

Ndi ọzọ na-ajụ ma Onyeisiala Naịjirịa onwere ikike ịchụ Ọkaikpe ukwu mba ahụ.