Ntuliaka 2019: Ndịagha si na ha na-eche Ipob na ntụlịaka a

Ndịagha na Ndị Ipob Image copyright Getty Images

Onyeisi ndịagha Naịjirịa bụ ọchịagha Tukur Buratai enyela iwu ka echechie ndị Ipob dịka a na-akwado ntuliaka na nsonso a.

Buratai kwuru na dịka ọ dị ugbua, ndịagha nakwa ndị ọrụ nchekwa ndị ọzọ na-agba izu imeụlọ ịhụ na ntuliaka 2019 gara nke ọma.

Nke a mere eji mepụta atụmatụ a kpọrọ "Operation Safe Conduct" na Bekee.

N'okwu Onnoghen,

Image copyright @Crevo360_Ng
Nkenke aha onyonyo Justice Walter Onnoghen

Ụlọikpe na-ahụ maka omume kwụọtọ bụ CCT n'aha ịchafụ adọtiala ikpe onye bụbu ọkaịkpe kachasị na Naịjirịa bụ Walter Onnoghen

Ụlọikpe ahụ nyekwara iwu ka Onnoghen n'onwe pụta ịzara ọnụ ya n'ụbọchị iri n'atọ nke febụwarị tupu ikpe ya agaa ihu.

Gụọ ya n'uju ebe a: CCT adọtịala ikpe Walter Onnoghen ọzọ

Otu APC na Rivas

Image copyright Tonye Cole

Ụlọikpe mkpegharị emela mkpebi ọhụrụ banyere arịrịọ otu pati APC nke Rivas steeti rịọrọ maka ikpe kagburu ntuliaka imeụlọ ha.

Ikpe ahụ nke ụlọikpe ukwu wepụtara nyere INEC iwu iwepụ aha APC na ndị ga-azọ ọkwa ọbụla na steeti ahụ.

Na mba ofesi,

Na mba ofesi ụfọdụ ndị mmadụ na mba Malawi apụtala ịkwado otu ụkọchukwu akpọrọ Shepherd Bushiri n'ụlọikpe taa.

A kpụpụrụ Bushiri na nwunye ya ụlọikpe ịzara ọnụ ha maka ebubo nrụrụaka ego onyinye

Akụkọ BBC Igbo n'otu nkeji

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

'ụtụtụ

Image copyright BBC/SONNI UGOJI

Onye na-azọ ọkwa gọvanọ n'okpuru pati APC n'Ebonyi steeti bụ Sonni Ogbuoji ekwuola ihe mere ojighi bịa ndọrịtaụka BBC Igbo haziri maka ndị na-azọ oche gọvanọ n'Ebonyi steeti.

Ogbuoji sị na ọ bụ nsogbu emume ahụ ga-etinye ndụ ya mere o ji gbahapụ ya.

Onye mgbasa ozi Ogbuoji bụ Ikenna Omeiwu gwara BBC na ndọrịtaụka ga-abịa gafee mana ndụ ya ka ya mkpa.

Omeiwu zitere BBC ozi na Ogbuoji nwereike ị nọ na nnukwu nsogbu ma ọ bụrụ na o so mee ndọrịtaụka ahụ.

Ọ gwara BBC Igbo na gọvanọ Umahi na-eme ka ndụ lara ndị si pati ọzọ azọ oche gọvanọ ahụ.

N'okwu ya, gọvanọ Umahi wepụtara iwu ga-akwado ka aghara itinye foto achụmta vootu na steeti ahụ mana ọ bụ sọ pati ya bụ PDP na-etinye nke ha."

BBC Igbo gbara mbọ ịnweta onye otu Accord pati bụ Nnaji Igbokwe ka o kwuo ihe mere ihe ojighị bịa zara ọnụ ya ndọrịta ụka a mana ọzaghị ekwenti ya.

Ọzọ,

Image copyright LAOLU AKANDE

Gọọmenti etiti ezigala ndị nyocha ka ha chọpụta ihe kpatara ụgbọelu Osote onyeisiala Yemi Osinbajo ji daa na Kogi steeti.

Osinbajo kelere Chukwu na ụlọụka etu o si napụta ya ma kwukwa na ọ bụ ekpere Onyeisi nchuaja Redeem bụ Enoch Adeboye zọrọ ya.

N'Egwuregwu

Image copyright Getty Images/David Ibbotson

A chọtala ụfọdụ akụkụ ụgbọelu bụ onye otu egwuregwu bọọlụ Cardiff akpọrọ Emiliano Sala na mmiri kewara mba England na France.

E bidoro chọwa ụgbọelu Piper Malibu N264DB kamgbe ụbọchị iri abụọ na otu nke ọnwa Jenụwarị ka Sala na ọkwọ ụgbọelu David Ibbotson nọ n'ime ya.

Nkeji taa

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe nkiri taa

Ngwaọrụ gị akwadoghi ọkpụkpọ mgbasa ozi
Media captionOnye meriri ọrịa kansa