Onnoghen: Ngalaba UN akatọọla ọrụ a chụrụ ya n'ike

Walter Onnoghen Image copyright @Crevo360_Ng
Nkenke aha onyonyo Justice Walter Onnoghen

Ọgbakọ mba ụwa niile nke akpọrọ UN akatọọla ọrụ akwụsiri ọkaikpe kachasị na Naịjirịa bụ Walter Onnoghen n'ike.

UN kwụsịke na-ekwu na ọchụchụ ya dara iwu metụtara nchekwa oke ruru mmadụ.

Ebe onyeisiala Muhammadu Buhari kwuru na o mere ihe o mere site n'iwu otu ụlọikpe na-ahụ maka omume kwụọtọ nyere, UN na-ekwu na ụlọikpe anọ ka nke ahụ enyela iwu ka a tụgharịa ikpe ịchụ

Onnoghen.

Ndị ndọrọndọrọ na Naịjirịa katọkwara nke a maka na n'uche ha, ọ bụ okwu ndọrọndọrọ butere ọchụchụ Onnoghen.

Cheta na mba Amerịka, mba Briten nakwa ọgbakọ mba EU tinyere ọnụ n'okwu a mgbe a chụrụ Onnoghen n'ọrụ.

Ihe i kwesịrị ịma maka Taiwo Ogunjobi lara mmụọ

  • A mụrụ ya na Ọgọst 17, 1953
  • Ọ gbara afọ 65
  • Ọ gbaara otu egwu bọọlụ Shooting Stars nakwa nke Naijiria bọọlụ
  • Ọ bụụrụ nnukwu odeakwụkwọ otu nhazi egwuregwu Naijiria a kpọrọ, Nigeria Football Association
  • Tupuu ọnwụ ya, ọ bụụrụ onyeisi nhazi egwuregwu bọọlụ nke steeti Osun.
  • Ọ nwụrụ dịka ọ rịachara obere ọrịa.

Na ndọrọndọrọ

Akụkọ na-eru anyị ntị ugbua na-akọwa na ọgbagahara dara n'ọgbọ ebe onyeisiala Muhammadu Buhari na-eme achụmnta vootu ya n'Ogun steeti taa.

Nsogbu bidoro oge ndị nọ ebe ahụ malitere kwawa Adams Oshiomhole emo ma na-ama ya iche mgbe Oshiomhole kpọrọ aha onye na-azọ ọkwa gọvanọ n'aha pati ha.

Na mba ofesi,

Image copyright Getty Images

Na mba Ofesi otu ụlọikpe na mba Ijipt amaala ndị uweojii atọ ikpe maka etu ha si jiri mmegbu gbuo otu nwoke e chere na ọ dara iwu.

Ụlọikpe ahụ kwuru na ha ga-aga ụlọmkpọrọ afọ atọ.

Akụkọ BBC Igbo na nkeji

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Akụkọ ga-amasị gị

Isiokwu Ndị Emetụtara