Police station Fire: Ndị omekome agbaala ụlọọrụ ndị uweojii ọkụ

Akụkọ dị mkpa:

Ụlọọrụ ndị uweojii n'Ajali

Ọnụ na-ekwuru ndị uweojii n'Anambara steeti bụ Haruna Mohammed, gwara BBC na ụlọọrụ ndị uweojii ahụ dị n'Ajali, gbara ọkụ n'ụzụ ụtụtụ ụbọchị Tọọzde.

O kwukwara na onweghi onye uweojii nwụrụ na ya bụ ọkụ gbara n'okpuruọchịchị Orumba Nọt.

Haruna kọwara na ha chere na ọ bụ ndị omekome kpara ya bụ mkpamkpa mana ha na-eme nyocha gbasara ya.

Image copyright Twitter/Atiku
Nkenke aha onyonyo Ndị chịbụrụ mbụ dị ka Abdusalami Abubakar, na ndị ụkọchukwu so bịa emume ahụ

Ndị na-azọ ọkwa onyeisiala na Naịjirịa gụnyere Muhammadu Buhari nke APC na Atiku Abubakar nke PDP, ebinyela aka n'akwụkwọ udo.

Ị na-ajụ ihe ọ pụtara?

Ọ putara na ha nwere nkwekọrịta na ha agaghị eme ihe ọbụla ga-ebute ọgbaghara n'obodo ma oge ntuliaka ma mgbe e mechara.

Nkwado Inec:

Ndị ụlọọrụ Inec nọ na mpaghara ọwụwa anyanwụ ekewela nkwụcha maka ntuliaka a ga-eme n'ụbọchị iri na isii nke ọnwa Febrụwarị a.

Nkenke aha onyonyo Ha na-eme nyocha igwe e ji eme ntuliaka

Ka ndị ntaakụkọ BBC Igbo gara n'ụlọorụ ha n'Abịa nakwa Anambara, ha hụrụ ebe ha na-akwapụta, na-agụkọ ma na-ahazi ngwaọrụ gụnyere igwe kaadị rida, igbe ntuliaka nakwa ihe ndị ọzọ e ji eme ntuliaka.

Lee nkwado ha n'uju ebe a: Nkwado ntuliaka n'Ọwụwa Anyanwụ ebirila ọkụ

N'ofesi,

Aka akparala otu nwaamadị maburu ego ndị ụlọakụ gbalaga na mba Frans.

Nwaamadị ahụ aha ya bụ Adrien Derbez, zuru nde dọla atọ ka ya na ndị otu ya na-arụ ọrụ dịka ndị na-ekesa ego, gara ikesa nke ụbọchị ahụ n'otu ụlọọrụ Western Union dị n'Aubervilliers.

N'egwuregwu,

Tottenham enyeghi ndị otu Borussia Dortmund ohere iji ha eme akaja ka ha zutere na Champions League n'abalị.

Ha ji goolu atọ si n'ụkwụ Son Heung-Min, Jan Vertonghen, na Fernando Llorente gosi Dortmund na a naghị akparị mmadụ na be ya.

Gere akụkọ BBC n'otu nkeji ebe a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ikọ mgbe ọbụla

Lee ihe nkiri gbasara Peter Obi ebe a:

Ngwaọrụ gị akwadoghi ọkpụkpọ mgbasa ozi
Media captionIhe ndị ma Peter Obi nwere ikwu maka ya