INEC: Ndị ndọrọndọrọ nwereike ịmalite achụmnta vootu ọzọ

Mahmood Yakubu Image copyright Inec Official Instagram
Nkenke aha onyonyo Mahmood Yakubu were oche dịka onyeisi Inec n'afọ 2015

Ọ bụ n'akara Twitter ha ka ha siri zipụ ya bụ ozi kwuru na ndị otu ndorondoro dị icheiche nwereike ị malite achụmnta vootu ọzọ

Ha kwukwara na ọ ga-ebi n'etiti abalai ụbọchị 21 nke ọnwa Febụwarị.

Cheta na Inec machiburu achụmnta vootu mgbe mbụ ha dọtịrị ụbọchị ntuliaka site na ụbọchị 16 rue n'ụbọchị 23 nke ọnwa Febụwarị.

O nwebeghi ihe ha kwuru maka ị hazi ohere ka ndị mmadụ bido ị nata PVC ha ọzọ.

Image copyright @thecableng

Onyeisiala Naijiria bụ Muhammadu Buhari ekwuola na onye ọbụla napụrụ igbe vootu maọbụ onye ndọrọndọrọ ọchịchị ọbụla ji ndị agboro kpaa ike n'oge ntuliaka na-abịa ga-atunye ndụ ya.

Mana ụfọdụ ndị mmadụ akatọọla okwu a na-ekwu na ọ dị ka Buhari a na-akwado ogbugbu mmadụ.

Gụọ ya n'uju ebe a:

APC Caucus meeting: Nyụọnụ onye ọbụla ga-anapụ igbe vootu n'ike ịkpakwụ - Buhari

Ọzọ,

Ngwaọrụ gị akwadoghi ọkpụkpọ mgbasa ozi
Media caption'Onye ọrụ kọstọm gbagburu mmadụ kwesịrị ị ga mkpọrọ'

Otu onye ọnụ na-eru n'okwu n'ihe gbasara nchekwa akpọọla oku ka atụnye nwoke onye Customs gburu mmadu ụlọ mkpọrọ.

Kelechi Eze onye kwuru nke a na mkparịtaụka ya na BBC Igbo nwere kọwara na o nweghi ikike ịgbu mmadụ ma ọ buru godi na onye ahụ mere ihe ọjọọ kama ọ nwụchie ya.

Na mba ofesi,

Gọọmentị mba Gana anwụchiela mmadụ karịrị otu narị na atụmatụ ọhụrụ ha bidoro iji chọpụta ndị mbịara mbịara enweghi akwụkwọ na bee ha.

E chere na ọtụtụ ndị mmadụ n'ime ndị a anwụchiri bụ ndị si mba Naịjirịa bịa.

N'egwuregwu,

Taa ka a ga-ama mbe na-abọ nke bụ oke n'etiti Chelsea na Man United dịka ha na-akwado izute onwe ha n'asọmpị FA Cup.

Akụkọ BBC Igbo na nkeji

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Inec na-agha ụgha-Mịnịsta ụgbọelu

Image copyright @Hadisirika
Nkenke aha onyonyo Hadi Sirika

Mịnịsta nta na-ahụ maka njem ugbọelu bụ Senatọ Hadi Sirika ekwuola na ọ bụ ụgha na ihu igwe adịghị mma ife ụgbọelu n'abalị fotere ụbọchị Satode a gara ime ntuliaka.

Onyeisi Inec bụ Mahood Yakubu kwuru ụbọchị Satode na ọ bụ n'ihi na ihu igwe adịghị mma mere ka ha ghara ifega akọrọngwa e ji-eme ntuliaka ebe di iche iche o kwesiri maka ntuliaka kara ime na Satọde gara aga.

Sirika kwuru nke a n'igwe okwu Twitter ya.

APC na PDP sị na ha ga-amalite ntuliaka ọzọ

Image copyright Getty Images

Ndị otu pati APC na PDP esiela ọnwụ na ha ga-amalitekwa ọzọ ọsọ achụmta vootu ha dịka Inec higharịrị ntuliaka rue izu ọzọ.

Inec kwụsịburu ọsọ achụmta vootu awa iri abụọ na anọ tupu ntuliaka a kara ime na Satọde gara aga.

Mana PDP kwuru na ha ga-ebidokwa ọsọ achụmta vootu ha n'ihi dịka iwu ntuliaka Naijiria kwuru na 'Achụmta vootu ga-ebido abali 90 tupu ntuliaka ma kwụsị awa iri abụọ na anọ tupu ụbọchị ntuliaka."

Na mkparịtaụka ya na BBC Igbo nwere, onye na-azọ ọkwa onyeisiala n'aha YPP bụ Kingsley Moghalu kpọkwara oku ka Inec nye ohere ka ebidokwa mgbasaozi ntuliaka rue abalị abụọ tupu ntuliaka.

Ndigbo cherenụ tuo vootu

Nkenke aha onyonyo Nnia Nwodo malitere dịka onye ndụ nke itolu (9) ndị Ohaneze Ndigbo n'afọ 2017

Ohanaeze Ndigbo arịrọlaNdigbo lọtara maka ntuliaka ka ha do do do, nwe ndịdị tụọ vootu tupu ha lọhachi ebe ha siri bịa.

Onyeisi Ohaneze bụ Nnia Nwodo onye kwuru n'akwụkwọ mgbasaozi o zigara ndị ntaakụkọ kwuru na ịta ahụhụ otu izu ka mma karịa ahụhụ afọ anọ ọzọ.

Osaka ekwuola ihe mere na onye nchịkọta ji gbasaa

Image copyright Getty Images

N'egwuregwu,

Onye ọkachaibe na bọọlụ tenis na mbaụwa bụ Naomi Osaka ekwuola na ya agaghị emegbute onwe ya iji mekwata onye ọzọ dịka ya na onye nchịkọta ya gbasara abalị iri na isis o jiri mericha na asọmpi Australia Open.

Ihe ndị ọzọ n'akụkọ a