Fake news: Gọv Obianọ agọọla na akụkọ na onye ọrụ atụnyereghị Buhari a chụọ ya n'ọrụ bụ ụgha

Obiano Image copyright GovernorObianoFacebook
Nkenke aha onyonyo Obiano meriri na ntuliaka ha mere n'afọ 2017 we bụrụkwa gọvanọ nke ugboro abụọ

Gọọmentị Anambara agọọla na onweghị mgbe gọvanọ steeti ahụ bụ Willie Obiano nyere iwu ka ndị ọrụ oyibo na ndị Anambara tụnyere Buhari vootu na ntuliaka na-abịa.

Akụkọ wusara na soshal midia nakwa steeti ahụ ụbọchị Wenezde bụ na Obiano nyere ndị ọrụ bekee niile iwu site na akwụkwọ ozi 'Memo', ka ha tụnyere Buhari vootu na Satọde ma ọ bụghị otu a, a chụọ ha n'ọrụ.

Na mkparịtaụka ya na BBC Igbo na Don Adinuba bụ Kọmishọna na-ahụ maka mgbasaozi nakwa nkuzi nyere ọha na eze na steeti ahụ nwere n' ekwentị, o kwuru na ya bụ akụkọ a na-akọ bụ ozi adigboroja nke Bekee kpọrọ, 'Fake News.'

Ọ boro ebubo na ya bụ akụkọ asị bụ onye okwupụta okwu nyere Maazi Pita Obi, bụ Valentine Obienyem' bụ ya bidoro ya bụ akụkọ, gbakwunyere na-enweghị mgbe ọbụla Gọvanọ Obiano ji akọ akụkọ asị banyere Pita Obi dị ana-akọ na akwụkwọ akụkọ dị icheiche, nakwa na ìgwè nzikọrita ozi ohaneze bụ ịntanetị.

2019: Inec ewepụtala ọnụọgụgụ ndị denyere aha nakwa ndị natara PVC

N'ozi ha wepụtara na Twitter, Inec wepụtara ọnụọgụgụ ndị denyere aha maka ntụlịaka 2019 nakwa ndị natara PVC.

Ihe karịrị nde mmadụ iri asatọ denyere aha, ebe nde irir asaa na ụma wetara PVC ha.

Tụọ vootu,atụfula ike gị site na ịnọrọ n'ụlọ-Atiku

Image copyright @Atiku

Atiku Abubakar bụ onye na-azọ ọkwa onyeisiala n'aha PDP na ntuliaka 2019 arịọla ụmụ Naijiria do,do,do pụta n'igwe tụọ vootu na Satode na-abịa.

Atiku onye kwuru nke a ụbọchị Tọọzde n'okwu ọ gbasara n'igwe okwu soshal midia kwuru na ihe onye apụtaghị na-ekwu bụ na etu ala Naijiria dị ugbua dị ya mma n'ahụ.

Ebonyị ehiwela kọmịti ga-enyocha ọdachi Izzi

Ebonyi steeti ehiwela kọmịti ga-elebanye anya n'ebe mmiri si banye opi ụgbọghụrụ n' ọgbaghara butere ọkụ gbara ụlọ iri atọ n'Izzi nke onyenchikota ya bụ Rev. Abraham Nwali.

Gọvanọ Umahi, onye gbara nke a n'anwụ ụbọchị Tọọzde ka ọ na-agwa ndị ntaakụkọ okwu n'Abakaliki kwere nkwa na ya ga-emeziri ndi e mebiri ihe ha ihe emebiri ma ya merie ntuliaka a.

Onye ihe Man.City na-amasị merụrụ nnukwu ahụ

Image copyright Getty Images
Nkenke aha onyonyo Ndị otu Schalke nọ mba Germany

N'egwuregwu

Otu onye ihe otu egwuregwu Manchester City na-amasị bụ ony n'ezi ọnọdụ ọjoo n'ụlọogwụ ka ebichara ya aka n' asọmpi Champions League ha na Schalke na Germany ụbọchị Wednezde.

Eunice Atuejide apụọla n'ọsọ ndị na-azọ ọkwa onyeisiala

Image copyright Eunice Atuejide

Akụkọ na-eru anyị ntị kwuru na Atuejide awụsala ngwa ọrụ ndọrọndọrọ ya.

O kwuru nke a n'akwụkị̀ọ ozi o sitere BBC Igbo n'ekwentị na-akọwa na ihe dị ya mkpa bụ na o bu ala Naịjirịa n'uche ya.

Cheta na Oby Ezekwesili bụ nwaanyị ọzọ na-azọ ọkwa onyeisiala chịsara ngwa ọrụ n'izuụka ole na ole gaara aga.