Rochas Okorocha: Ọ ga-eso na ndị ndọrọndọrọ e nweghizi ọnọdụ?

Image copyright Victor Umeh,Ajumobi, Bukola Saraki/Facebook

Ọ tụrụ ọtụtụ ndị mmadụ n'anya etu ụgbọ siri ghara ụfọdụ e chere na ha bụ ndị nwe obodo dịka Victor Ume, Bukola Saraki, George Akume nke Benue nakwa Abiola Ajimobi nke Oyo steeti, dịka ndị be ha mere ha e cheta e bewe na ntuliaka a.

Lee ije mmadụ anọ a:

1. Victor Umeh

Image copyright Victor Umeh/Facebook

Uche Ekwunife nke PDP pịara Victor Umeh ukwu n'ala na ntuliaka 2019 a.

Ekwunife nọbu otu Apga ebe ọ nọ dịka onye nnọchite anya ha n'afọ 2010 ruo 2014, gara APC, ebe o siri lọghachịkwa na PDP.

2015 bụ nke mbụ Victor Umeh na-aba n'ụlọomeiwu, ebe ọ gara n'aha Apga.

2. Bukola Saraki

Image copyright Bukola Saraki/Twitter
Nkenke aha onyonyo E boro Saraki ebubo ohi, mpụ na ihe ndị ọzọ

E wepụrụ Saraki ike n'oche na Kwara ebe ọ kụrụ afọ n'ala ka ọ nọchara agba nke mbụ ya n'ụlọomeiwu Ukwu.

Ka ọ nọ n'ụlọomeiwu ukwu, ọ chịrị dịka onyeisi ha.

3. Abiola Ajimobi

Image copyright @AAAjimobi

Abiola Ajimobi bụ gọvanọ chịrị Oyo steeti afọ asatọ chọrọ ịga Ụlọomeiwu ukwu ịnọchite ndị Ọyọ-Sentral, mana Kola Balogun nke PDP ji vootu 105,720 nara ya ụra rahụ dịka ya onwe ya nwetara vootu 92,217.

Ndị Oyo na-echeta Ajimobi maka etu o si ekwu okwu n'ọha dịka ha ji 'Constitutent authority' echeta ya n'ihe agwa ọ kpasoro ụmụakwụkwọ mahadum LAUTECH.

4. George Akume

Image copyright @SenatorAkumeTwitter.JPG
Nkenke aha onyonyo George Akume banyere Ụlọomeiwu Ukwu n'afọ 2015 ka ọ chịchara dịka Gọvanọ Benue

George Akume chịburu Benue steeti so na ndị nwere agba a gwara buru ute ha lawa na ntụliaka ụlọomeiwu ukwu e mere na 2019.

Orkev Jev nke PDP ji vootu dị 157,776 were kụpụ Akume nwetara vootu 115,422 n'aha APC.

5. Binta Masi Garba

Image copyright @GarbaBinta

A gbarala Binta Masi Garba bụ naanị nwaanyị si Ugwu Naijira nọ n'Ụlọomeiwu Ukwu ụgbọ nwa mkpi.

Garba na-anọchite Adamawa-North n'ụlọomeiwu Ukwu n'aha APC mana Elisha Ishaku Abbo nke PDP ji vootu dị 43,117 nye ya ọsọ dịka Garba nwetara naanị vootu 16,219.

Rochas Okorocha: Ọ ga-eso na ndị ndọrọndọrọ e nweghizi ọnọdụ?

Image copyright @RealRochas/Twitter

Ọ bụ na Tọzde bụ ụbọchị 14 nke ọnwa Maachị ka a ga-achọpụta ezi ọnọdụ Okorocha.

Rue ugbua, Inec kwuru na ọ bụ sọsọ ndị enyere ikike ga-eso na nzụkọ ha kpọrọ ndị zọtara oche n'ụlọomeiwu ukwu nke Naịjirịa.

Mana nyocha BBC Igbo mere gosiri na aha Rochas esoghị na aha ndị e denyere ga-abịa n'ọgbakọ ahụ.

Ihe nke a pụtara bụ na Okorocha nwere ike isonye na ndị e were dịka ochie dike na ndọrọndọrọ ọchịchị Naijiria mana mpụtara ntuliaka 2019 azọsịala nsị n'afọ.

Akụkọ ndị ga-amasị gị: