Presidential Election: Ihe anọ Buhari ga-emere m ka udo were chịa

Akụkọ dị mkpa:

Ohaneze, NEF, Afenifere, MBF na NDF akwadola Atiku ịga ụlọikpe

Image copyright Getty Images

Otu ọdịnala na agbụrụ dị na Naịjirịa bụ Ohaneze ndị Igbo, Northern Elders Forum, Middle Belt Forum na Niger Delta Forum etinyela aka n'akwụkwọ ịgwado Atiku ịgawa ụlọikpe maka ịlebe anya na-atụm vootu emere ụbọchị satọde nke ha kwenyere na ozighịezi.

Ndị tinyere aka na ya bụ akwụkwọ bụ ndị isi otu ndị dịka Ọkamụta Ango Abdullahi, Chief John Nwodo, Chief Ayo Adebanjo, Chief Edwin Clark na Dkt. Pogu Bitrus.

Buhari sị na ihe ga-atakwu akpọ

Image copyright Getty Images
Nkenke aha onyonyo Onyeisiala Naịjirịa si na gọọmenti ya

Akụkọ na-eru anyị ntị ugbua na-ekwu na ndị ọnụ na-eru n'okwu na Pati APC achụpụ Rochas Okorocha na Ibikunle Amosu nke Ogun steeti na pati ha.

Ndị niile BBC kpọrọ maka ịmata nke bụ eziokwu n'akụkụ a kwọchapụrụ aka na ụkwụ ha na ya bụ akụkọ.

APC achụpụla Rochas?

Akụkọ na-eru anyị ntị ugbua na-ekwu na ndị ọnụ na-eru n'okwu na Pati APC akpawala nkata ịchụpụ Rochas Okorocha na Ibikunle Amosun nke Ogun steeti na pati ha.

Ndị niile BBC kpọrọ maka ịmata nke bụ eziokwu n'akụkụ a kwọchapụrụ aka na ụkwụ ha na ya bụ akụkọ.

Ndị omekome wakporo ụmụnwaanyi ebe atụrụ vootu

Image copyright Getty Images
Nkenke aha onyonyo Mpụ nwakpo na-eweta nnukwu mwute na Naijiria

Inec ekwuola na-awakporo ụmụnwaanyị bụ ndị ọrụ ngo mgbe e mere ntụlịaka onyeisiala na Satọde gara aga.

Agbanyeghị na Inec sị na udo chịrị na ọtụtụ ebe e mere ya bụ ntụlịaka mana ọgbaaghara dị n'ebe ụfọdụ nke ha akọwaghị nke ọma.

Akpabio akwụsịla Inec inye Chris Ekpenyong asambodo

Image copyright Godswill Obot Akpabio Facebook

Sen. Godswill Akpabio kwuru na ya anatala ụlọikpe ikike ịkwụsị Inec ịnye Chris Ekpenyong nke PDP asambodo meri maka ntụlịaka ha mere ụbọchị Satọde mkpụrụ ụbọchị iri abụọ na atọ.

Akpabịọ sị na nke a ga-enye aka inyocha ihe mgbagwoju anya mere mgbe a tụrụ vootu ahụ.

Edoola nwaanyị mbụ bụ ọkaikpe iyi ọrụ n'Anambra steeti

Image copyright Uche Akolisa
Nkenke aha onyonyo Jọstịs Ijem Onwuamaegbu bụ nwaanyị mbụ bụ Okaikpe n'Anambara steeti

Gọvanọ Willie Obiano edoola nwaanyị mbụ bụ okeiwu n'iyi ọrọ.

Okiwu ndị steeti Alaigbo ndị ọzọ bịara emume a pụrụ iche n'Obi gọọmentị nke steeti ahụ.

Super Falcons 4 - 3 Solvakia

Image copyright NFF/twitter
Nkenke aha onyonyo Chikwelu Oparanozie bụ onye ndụ ndị Falcons na ya bụ egwụrụegwụ

Otu Super Falcons nke Naịjirịa ewerela ọkpụ anọ a satara atọ merie ogbo ha ndị Slovakịa na asọmpi Cyprus Women's Cup.

Rita Chikwelu nyere goolu abụọ na ya bụ asọmpị .

Gee nkeji anyị ebe a

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

US na-achọ nwa Osama Bin Ladin

Image copyright Rewards for Justice

Mba Amerịka ekwuola na ha ga-enye onye ọbụla ga-enye ha ozi bara uru gbasara nwa Osama Bin Laden bụ Hamza, otu nde dọla.

Ha kwuru na Hamza a na-enyo na ọ nọchiri anya nna ya dịka onyeisi otu Al-Qa'ida, na-ekwu ekwu iwakpo mba Amerịka na ndị enyi ha.

Udo Naịjirịa

Abdusalami Abubakar chịburu Naịjiria dịka onye agha, bishọp ndị ụka katọlik na Sokoto bụ Matthew Kukah na ndị ọzọ nọ n'otu kpọrọ onwe ha National Peace Committee, zutere Atiku Abubakar na Peter Obi zọrọ ọchịchị na ndị isi a hụrụ kwaba okpu nọ n'okpuru PDP, n'abalị Tọọzde.

Na nzukọ ahụ, ndị otu ahụ na-ekpe udo gwara ndị PDP ka ha chefuo maka ịga ụlọikpe gbasara mpụtara ntuliaka a, mana PDP kwuru na ha ga-aga n'ihu makana ọ bụ ihe ọjọọ ma ha ghara ịgbagha ya maka ọdịniihu Naịjirịa.

Ndị otu "National Peace Committee" a mechara gakwuru osote onyeisiala Yemi Osinbajo n'Aso Rock, ebe ha nọ nwee nzukọ gbasara ịhụ na udo dị site na ntuliaka a e mere

Kingsley Moghalu ekwuola okwu

Moghalu zọrọ ọkwa onyeisiala n'okpuru pati YPP, kwuru na o wutere ya na ntuliaka a tara isi ndị mmadụ.

O kwukwara na ọnụọgụgụ ngalaba na-ahụ maka ntuliaka bụ Inec gụpụtara na ọ bụ vootu ole a tụnyeere ya, abụghị ole o kwesịrị inweta, makana o zughi ezu.

N'egwuregwu,

Fulham achụọla Claudio Ranieri n'ọrụ dịka onye nchịkọta ha ma tinye Scott Parker ka ọ nọchie ya ruo mgbe ha họtara onye ọzọ.

Ọchụchụ ya na-abịa naanị ụbọchị narị na isii e wechara ya n'ọrụ.

Gere akụkọ BBC na nkeji:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe nkiri taa:

Ngwaọrụ gị akwadoghi ọkpụkpọ mgbasa ozi
Media captionIbeawuchi