EFCC atọghapụla ọgọ nwoke Atiku ha nwụchiburu

Atiku Abubakar Image copyright @atiku/Twitter

Akụkọ na-eru anyị ntị ugbua na-ekwu na ngalaba EFCC atọghapụla ọgọ Atiku nke ha nwụchiri kemgbe ụbọchị satọde gara aga.

EFCC nke na-ahụ maka mpụ na nrụrụaka ego boro ya ebubo na o mefuru ego ruru yuro nde otu narị na iri ise nke Bekee kpọrọ "Laundering".

Ọnụ na-ekwuchitere EFCC bụ Tony Orilade zipuru ozi a dịka ụlọorụ ntaakụkọ Punch siri kwuo.

Ọzọ

Ndị ụlọikpe etiti dị n'Abuja na ndị ụlọọrụ na-ahụ maka mpụ na nrụrụaka bụ EFCC, kwekọrịtara sị ka a kwụsị nyocha a na-eme maka ebubo mmefu ego e boro Alex Badeh bụ onye ọchịagha ndị agha mmiri a gbagburu n'ọnwa Disemba 2018.

Image copyright Getty Images

Mana ụlọikpe ahụ mara Iyalikam Nigeria bụ ụloọrụ Badeh ikpe, ma sị ha nyeghachị gọọmentị etiti akụnaụba niile a kpachiri n'aka ha.

Achụọla onyeisi CBN?

Isaac Okoroafor bụ ọnụ na-ekwuchitere ụlọakụ ukwu Naịjirịa bụ CBN, ekwuola na achụghị Godwin Emefiele bụ onyeisi ha, n'ọrụ dịka ndị mmadụ si na-ebugharị na soshal midia.

Image copyright Getty Images

Gụọ akụkọ a n'uju ebe a: CBN ekwuola na achụbeghị Emefiele n'ọrụ

N'ofesi,

Hillary Clinton zọburu ọkwa dịka onyeisiala mba Amerịka, ekwuola na ọ gaghị abịghachị ịzọ ndọrọndọrọ nke afọ 2020.

Image copyright Getty Images

Kama o kwuru na ọ gaghị akwụsị itinye ọnụ ya n'okwu gbasara ndọrọndọrọ ọchịchị.

N'egwuregwu,

Otu Super Falcons nke Naịjirịa, ga-ezute mba Thailand echi, ebe ha ga-azọ onye ga-azọta agba ngwụcha nke asaa, dịka ha nwetara pọintị atọ n'ime egwuregwu atọ na Group C n'asọmpi Cyprus Womens' Cup.

Gere akụkọ BBC Igbo n'otu nkeji ebe a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe niile

Ihe nkiri taa:

Ngwaọrụ gị akwadoghi ọkpụkpọ mgbasa ozi
Media captionElection 2019: Ị ga-atụnyere onye masịrị gị?