Dehlia Umunna : Ihe asaa ị maghị maka ada Igbo e ji eje mba

Dehlia Umunna Image copyright @Harvard_Law/Twitter
Nkenke aha onyonyo Dehlia Umunna ada Ịgbo ji eje mba n'Amerịka

Akụkọ Dehlia Umunna bụ nwa ada Igbo na-achake ka ọnwa na mba ofesi bụ ihe na-ewu na soshal midia ugbua.

Nwada a bụ onye Naijiria mbụ na-abụ ọkamụta n'okwu gbasara Iwu( Clinical Professor of Law) na mahadum ọkaibe bụ Harvard nke a na-enweta ọkwa ahụ.

Tupu e bulite ya n'ọkwa ahụ, Umunna na-akụzi na ya bụ mahadum kemgbe afọ 2007.

Ọ natala ọtụtụ nturugo dịka ọkaiwu kajara akaja nakwa onye nkuzi pụrụ iche.

Nkwenye Dehlia gbadoro ụkwụ na ndụ ya pụtara ihe n'okwu ya.

Ọ sịrị, "Ọ bụ oke na ọrụ dịrị m dịka nwaanyị isi ojii ị bụ ọkaibe iji nye onye ga-eso m n'azụ ebe nlekwasị anya."

Lee ihe ndị ị maghị maka nwa afọ ahụ:

1. Ọ bụ n'ọnwa Eprelụ, afọ 2016 ka o nwetara ọkwa ọkammụta Iwu mana ọ bụ ugbua ka akụkọ ahụ wubere n'ala Naijiria dịka ụmụ Naijiria gara bọlite ya bụ okwu

3. Ada Igbo a dị afọ iri anọ na anọ bụbu onye nkuzi na ngalaba Iwu na mahadum 'George Washington University Law School.'

4. O so na otu jịkọrọ ndị omeiwu nke Massachusetts,MarylandColumbia nakwa New Jersey

5. Ọ gụrụ maka mgbasaozi na mahadum 'California State University' dị na San Bernardino, Mba Amerịka.

6. O mechara nke a nata asambodo na Chịkọta ọha (Masters in Public Administration) na'Harvard Kennedy School of Government.'

7. Umunna gara n'ihu gụọ ihe gbasara Iwu na mahadum, 'George Washington University Law Center.'