Easter Monday: Lee mmọnwụ ndị pụtara ịgba 'Easter' na Coal Camp

  • 22 Eprel 2019

Ka ndị ofufe Kraịst na-eme mmemme 'Easter', ndị Coal Camp Enugwu tiri mmọnwụ dị icheiche iji mee ka obodo kpotu ọkụ.

  • Mmọnwụ Coal Camp BBC

    Mmemme ncheta mbilite n'ọnwụ kraist mere n'ụdị ọpụrụiche n'Coal Camp Enugwu ebe ụdị mmanwụ karịrị nari abụọ gbara n'ọgbọ.

  • Mmọnwụ Coal Camp BBC

    Mmemme a kporo ezigbote ọkụ na Coal Camp. Ndi mmadụ di ka aja, ma ndị si ụlọ, ma ndị si ofesi.

  • Mmọnwụ Coal Camp BBC

    Malite n'Owa Streeti rue na Tailor Avenue ndị mmanwụ si Nkanụ, Ngwo, Udi, Nsukka nakwa ebe dị icheiche kwụrụ na ahịrị na egosiputa ụkwụ egwu ha nakwa omenala dị icheiche.

  • Mmọnwụ Coal Camp BBC

    Ụbọchi ahụ abụghị ụbọchị Ọkụ mgbịrịngba na Ịgarịga na-acho okwu. Ọ bụ ụbọchi nwoke, nwaanyị, nwata na ogbondu na-apụta ikiri mmonwu.

  • Mmọnwụ Coal Camp BBC

    Mana, asikwa Ịgarịga nye gị ọsọ, mee ka ụkwụ gị ruo azụ isi gị, okachasi ma ịbụrụ ogbondu.

  • Ọkụ mgbịrịngba BBC

    Ọkụ mgbịrịngba so na mmonwu pụtara n'ọgbọ.

  • Mmọnwụ Coal Camp BBC

    Ọfọdụ ụmụ afọ Coal Camp sị ebe dị iche iche lọta kwuru na ebe ọ sọrọ ha nọrọ na ha nwere obi ụtọ na amụrụ ha na Camp. Aha mmọnwụ a bụ Ajọ ihe.

  • Mmọnwụ Okwo mma na Coal Camp Enugwu BBC

    Mmọnwụ ukwu dị ka Okwo mma pụtara n'ọgbo.

  • Agba mmọnwụ Coal Camp na Easter. BBC

    Mmadu dị ka aja na Coal Camp

  • Mmọnwụ Coal Camp BBC

    Ọtụtụ mmadu si na ha na-enwe anụrị maka etu esi hazie mmemme a na Coal Camp.

Isiokwu Ndị Emetụtara