UK akwadola Naịjirịa n'ụzọ siri ike imegide ndị oyindụegwu

Ndị agha Naịjirịa na Jeremy Hunt Image copyright British High Commission

Jeremy Hunt bụ onye odeakwụkwọ na mmekọ mba Briten bịara njem nleta ndị agha Naịjirịa na mpaghara uwgu Naịjirịa.

Ọ bịbịa ya gosiri na mba UK ka kwụsị Naịjirịa ike n'ọgụ megide otu ndị oyindụegwu gụnyere Boko Haram.

N'ozi o ziri ndị agha na Maiduguri, Jeremy Hunt si "ndị omekome a achụpụla ndị mmadụ na bee ha.."

"Boko Haram na otu ndị ọzọ yiri ya bụ mmehie n'ihe anyị jiri biri nke mere na mba Briten ga na-enye Naịjirịa nkwado ịmegide ha" ka o kwuru.

Mba Briten enyela Naịjirịa ihe ruru £300m n'afọ ise ma zụkwaa ihe ruru ndị agha 30,000 maka agha ebusoro Boko Haram.

Akwụkwọ njikọ aka nke onyeisiala mba abụọ a binyere aka na ya n'afọ 2018 ga-awulite ụsoro enyemaka nke Briten na-enye Naịjirịa.

Na Katsina,

Image copyright NURPHOTO

Ọnụ na-ekwuchitere ndị uweojii na Katsina steeti bụ Gambo Isah akwọpụla aka ya n'akụkọ na-efegharị na ọ nwụchiri ndị echere tọrọ ogo nwoke oney nche onyeisiala bụ Muhammadụ Buhari

Ọ kọwara na akụkọ ahụ nwereike ịpụta site na nghọtaghịe.

Igbo nọ mba ndị ọzọ,

Image copyright @cllr.ernest.ezeajughi

E meela Ernest Ezeajụghị Mayor obodo Brent nke dị n'isiobodo mba Briten bụ London.

Maazị Ezeajụghị nke kwagara mba Briten n'afọ 2004 ga a bụ onye isi ojii mbụ ga-anọ n'ọkwa Mayor ahụ.

Na mba ofesi,

Image copyright Getty Images

Ụlọụka Katọlịk n'ala Sri Lanka akagbuola ekpere ụbọchị ụka nke bụ Mass na Bekee maka kepu kepu a nụrụ na a na-akwado ịgba ogbunigwe n'ebe ahụ ọzọ

Cheta na ọtụtụ mmadụ gụnyere ụmụaka nwụrụ n'ụbọc hị Ista mgbe a gbara ogbunigwe n'ụka ahụ.

N'egwuregwu,

Image copyright FABRICE COFFRINI

Ndị na-akwado ọgbọsọ a ma ama bụ Caster Semenya arịọla ya sị ya alala ezumike nka maka ikpe mkpesa ya akagburu ụnya ahụ.

Nke a bịara dịka o weputara ụfọdụ ozi n'akara Twitter ya na-ekwu maka ị wụsa ngwa ọgụ.

BBC Igbo na nkeji

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ taa niile