Ebonyi state: Ihe mere steeti a ji bụrụ "elelịa nwa ite"

Ndị egwu ụmụada
Nkenke aha onyonyo Ndị egwu ụmụada nakwa ndị nne egwu ha

Ị ma na Ebonyi steeti nwere ọtụtụ ihe ndị ga-eme gị kwata ma biri ebe ahụ?

Kedụ ihe ọjọọ ndị ị nụrụla maka steeti a e kere n'afọ 1996?

Ị nụrụ na ha "na-ewe iwe ọkụ"? Ka ị nụrụ na "ịgba bọy na-amasị ha" "ha enweghi mmiri"?

Ụfọdụ nwere ike ikwenye n'akụkọ ndị a, mana eziokwu bụ na Ebonyi nwere ihe ọma ga-eme ka ị gaa na steeti ahụ ugboro ugboro.

Ihe ndị a ga-eme ka Ebonyi steeti bụ "ọdụ nwa n'ala Igbo" gụọ gị agụụ:

1) Ha bụ "nkata nri" Ala Igbo:

Ị chọọ ịgaru Ebonyi steeti, mara na ị ga-akwado akwado, mepee afọ gị maka iji nri afọju ya.

Ọrụ ugbo doro ha anya, mere ka nri bụrụ "gbanyụ" ma ghara ịbụ nsogbu nye ha.

A bịa na osikapa, ha bụ "eze".

Ngwaọrụ gị akwadoghi ọkpụkpọ mgbasa ozi
Media captionAbakaliki Rice: Ihe niile dị n'osikapa bara uru

Ị chọkwaa nnu ị ga-eji eme ka nri gị tọọ ụtọ, Ebonyi ga-enyekwa gị nke a.

Ngwaọrụ gị akwadoghi ọkpụkpọ mgbasa ozi
Media captionEbonyi salt lake: Ihe mere ụmụnwoke anaghị aba mmiri a.

Ị hụla ji ha na-akọ? Ụfọdụ na-aha ka aka "ndị nne maama".

Echefukwala ịjụ ese ofe egburegbu ndị Edda ma ị garuo.

2) Ha bụ ndị obiọma na ndị obi umeala:

Ndị Ebonyi ma etu e si anabata mmadụ n'agbanyeghi ebe i si.

Ọtụtụ n'ime ha bụ ndị obiọma, ilekọta mma anaghị eche ha uche.

Ị che na ọ bụ asị? Ngwanu kedụ etu ị ga-esi kọwaa ihe mere Ugochukwu a ma ka "gala boy" si were ihe ọ na-ere nye ndị nga ọ hụrụ n'ụzọ?

Ngwaọrụ gị akwadoghi ọkpụkpọ mgbasa ozi
Media captionGala boy: E kerem ndị mkpọrọ gala m na-ere maka na anọtụalam ọnọdụ ahụ

3) Ụzọ dị na steeti ha bụ saraa:

Elezighi anya, okporoụzọ dị n'Ebonyi steeti, ọkachasị isiobodo ha bụ Abakaliki, nwere ike ịbụ nke kacha mma na mpaghara ọwụwa-anyanwụ Naịjirịa.

Ọtụtụ ndị Ebonyi na-ekwuzi na ọ dị ka "small London".

Ngwaọrụ gị akwadoghi ọkpụkpọ mgbasa ozi
Media captionAbakalịkị aghọọla ebe ọkụ na-enwu n'elu

4) Omenala ha na-atọwa ntị:

Emume dị ka ịgba mmọnwụ na omenala ndị ọzọ na-agara ha aka ọfụma.

Ngwaọrụ gị akwadoghi ọkpụkpọ mgbasa ozi
Media captionAfikpo Festival: Egwu nkwa nwaite ka eji mara ha

Ị nụla maka Olo nakwa Oke Nkwa? Kedụ maka Nkwa Ụmụagbọghọ? Jụọ onye si Ebonyi steeti. Ọ ga-akọwara gị.

Ngwaọrụ gị akwadoghi ọkpụkpọ mgbasa ozi
Media captionEgwu Oke Nkwa

Ọ gụọla gị agụụ ugbua?

Akụkọ ndị ga-amasị gị: