Ipob arrest: Anwụchiela 140 na Nsukka

Anwụchiri ndị Ipob 140

Biafra na Naịjirịa Image copyright Getty Images
Nkenke aha onyonyo Ode akwụkwụ mgbasa ọzị Ipob, Peace Chukwudi sịrị na Biafra ga abịa ọsịsọ ma Buhari bata ọzọ

Onye okaikpe Nnamdi Kanu bụ Paul Achara ekwuola na ọtụtụ ndị mmadụ ndị uweojii jidere na Nsukka ụnyahụ abụghị ndị otu Ipob, kama ndị na-agara onwe ha.

Achara kwuru nke a mgbe ya na BBC nwere mkparịta ụka taa.

E boro mmadụ otu narị na iri anọ a ebubu ịkpa nkata ha chọrọ iji chutuo Govementi Naịjirịa n'ike.

Mmadụ 140 juru ebubo a si kwa na aka ha dị ocha.

Otu onye ọkaikpe na-anọchite ha bụ Mazi Okeke kwuru na ebubo a erijughị afọ, kwuo kwa na mmadu 140 a na-aga akwa onye nwụrụ anwụ mgbe a nwuchiri ha.

Okaikpe a gwakwara ndị ọkaikpe n'ekwuchitere ọnụ mmadu 140 a ka ha tinye akwụkwọ n'ụlọ ikpe ma kwụsịe ike na ya bụ ikpe.

Ka ọ si dị, ndị a ga-anọ na mkpọrọ ndị uweojii ruo mgbe akpụpụru ha ụlọikpe.

O kwukwara na ndị eji eji n'aha Ipob akarịala puku abụo (2000) na Naịjirịa.

Ụlọikpe akwụsịla Lalong ịkwepụta ọche eze ọzọ na Plateau

Image copyright Uche Akolisa
Nkenke aha onyonyo Ikpe nkwụmọọtọ bụ oke dịrị mmadụ niile

Dika ọ dizi ka omenala gọmenti imegharị oche eze na ọchịchị ọdịnala ndị obodo, ụlọikpe na Plateau steeti akwụsịla gọment steeti ahụ ịkpa aka n'oche eze ọdịnala ndị be ha.

Ọkaikpe Christine Dabup kwuru na iwu a bụ maka iji kwụsị alo gọvanọ Simon Lalong ikewapụta oche ọdịnala abụọ ọzọ na steeti ahụ.

Ndị uweojii wụchiri udele a

Image copyright Arterra

Ndị uweojii n'Adamawa kwuru na ha emefuola ihe ruru puku naira iri atọ ịnye otu nnụnụ ha nwụchiri nri.

Ha nwuchiri nnụnụ ahụ na onye nwe ya na Maiha dị na steeti ahụ.

Ha kwuru na ha na-eme nyocha etu o si maputa na ebe ahụ bo ya ebubo na ya na ndị Boko Haram na-arụ kọ ọrụ

Mana ngalaba na-ahụ maka nchekwa mbara na anụmanụ na-akpọ oku si tọghapụ nnụnụ ahụ.

Theresa May akwaala arịrị maka Brexit

Nkenke aha onyonyo Theresa May banyere n'ọkwa Praịm Minista n'afọ 2016

Anya mmiri dapụrụ Theresa May bụ Praim Minista mba Briten n'anya ka ọ na-ekwu maka nritu ya.

May kwuru na ọ ga-arịtụ n'ọkwa n'ụbọchị asaa nke ọnwa Juun.

May pụtara n'igwe onyonyo na BBC ebe o nyere obere okwu na ọ ga-arịtu ma kwuo na otu ihe o ji ata ikikere eze bụ na o nwetanwughi Brexit.

Ihe ọ pụtara bụ na ọ ga-akwụsịkwa ịbụ onye ndu otu ndọrọndọrọ a kpọrọ 'Conservatives' n'ala Britein.

Arsene Wenger sị na ya ga-alọhachite azụ n'egwu bọọlụ

Image copyright Getty Images

N'egwuruegwu, onye bụbụ onyeisi ndị Arsenal bụ Arsene Wenger awụchiela ọzọ na ọba akụkọ ebe ọ na-ekwụ na ya bụ agaracha "must come back" n'egwu bọlụ.

Wenger kwuru na n'ezie na ya chọbụrụ ezumike mana ugbua ụwa gbala ya gharị nke bụ na ọ gụwala ya ịlọhachị azụ n'egwu bọlụ.

Gee nkeji Igbo

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ndị CAN agbarụọla ihu maka 'Fulani Radio'

Image copyright Canng.org/AFP

Ụmụ Naịjirịa agbarụọla ihu ebe ngalaba jịkọrọ ndị nkuzi Mahadum bụ ASUU nọ dịka ha gwara ndị mmadụ atana ha ụta ma ha gbaa abụbọ ọrụ ọzọ

Biodun Ogunyemi bụ oneyisi ha gwara BBC n'ekwentị na ọ bụ iji gwa oha niile na gọọmentị etiti emezubeghi nkwa ekwere ha.

Onye mere ndị nkuzi Mahadum?

Otu Christian association of Nigeria bụ CAN n'aha ịchafụ akatọọla atụmatụ gọọmentị Naịjirịa maka igwe mgbasa ozi nke ndị ọchịehi Fulani ha na-achọ ịgbape

CAN hụrụ ya dị ka ngba okpuru gọọmenti Naịjirịa chọrọ iji mee ka Naịjirịa ghọrọ mba alakụba, mana ndi otu alakụba bụ "jama'atu Nasril Islam" kwuru na ọ bụ maka mgbasa ozi na ọmụmụ ndị ọchịehi Fulani.

Iwu ọhụrụ amalitela na Taiwan

Image copyright Getty Images

Na mba ofesi mba Taiwan abụrụla mba mbụ n'ala Eshia ịnye iwu ga-eme ka nwoke na nwoke nakwa nwaanyị na nwaanyị nweta ikike ịlụ onwe ha.

Iwu ahụ a manyere ga-ebido ọrụ n'ụbọchị Fraide na be ha.

Facebook abanyela egwu 'Cryptocurrency'

Image copyright Getty Images
Nkenke aha onyonyo Cambridge Analytica bụ ụlọọrụ mba Britain na-ahụ maka ichekwa ozị

Facebook ekwuola na ha ga ewepụta "Cryptocurrency" nke ha a na-akpọ 'Globalcoin' na afọ 2020. 

Ha kwuru na nke a ga enyere mmadu niile aka ikwụ ugwọ ihe ọbụla n'igwe intaneti na agbanyehị ego obodo ha maọbụ ebe ha nọ.

N'egwuregwu,

Image copyright Reuters

Akpọọla Kelechi Iheanacho na Isaac Success esoro la na ndị ọgbaa bọọlu na premiership kachaa etufu oghere iji nye goolu.

Nke a putara ihe mgbe agụkọrọ golu ha nyere na asọmpi premiership nke afọ gara aga.

Ihe ndị ọzọ n'akụkọ a