Aisha Buhari: Ọrụ mwulite ndụ ndị mmadụ nke gọọmentị a kpụrụ afọ n'ala

Akụkọ dị mkpa

Aisha Buhari Image copyright Aisha Buhari Facebook
Nkenke aha onyonyo Nwunye Buhari na-ekwukarị uche ya n'ihe gbasara gọọmentị di ya

Nwunye onyeisiala bụ Aisha Buhari akatọọla ego dị ijeri narị naịra ise amapụtara maka nwulite ndụ ndị mmadụ ma kwuo na atụmatụ a mara afọ n'ala.

Aisha, onye gosiri iwe ya mgbe ọ na-agwa ụmụnwaanyị okwu n'Abuja n'ụbọchị Tọzde kwuru na onweghi ihe ọbụla ahụrụ anya eji ego ahụ mepụta karịsịa ọkarịchara mpaghara ugwu nke a Nịajirịa.

Aisha rụtụrụ aka na steeti ndị dịka Adamawa na Kano achịtaghị aja ọbụla n'ime atụmatụ a a kpọrọ 'Social Investment Programme'

A sị na ọ bụ okwu na-ebute okwu. Okwu Aisha a mụnyere ọkụ na soshal midia dịka ọtụtụ mmadụ tinyere ọnụ n'okwu a.

Abiodun Bello sị ka Aisha kwụsị ịkatọ ọchịchị dị ya:

Ebe Apha femal ji Aisha na tụnyere Patience Jonathan:

Ipob kpachara anya unu - DSS

Image copyright Olu Onemola

Iwu ị nọ n'ụlọ nke otu Ipob nyere ndị otu ya abụrụla okwu onye ọbụla kpụ n'ọnụ ugbua karịsịa ndị ọrụ nchekwa dị iche iche na Naịjirịa.

Cheta na ndị agha na ndị uweojii sị dị na mbụ dọọ Ipob aka na ntị mana ugbua ụlọọrụ DSS agwala Ipob na ha agaghị eji anya ọma ele onye ọbụla dara iwu.

Ọ nụ na-ekwuru DSS bụ Peter Afunnaya, na ha ga-agba mbọ hụla na udo na nchekwa ga-dị na mpaghara Naịjirịa niile.

N'ofesi

Image copyright Getty Images

Kọmishịọna mba Germany na-ahụ maka ịkpaoke ndị Juu bụ Felix Klein agwala ndị Juu ka ha kwụsị ikpu okpu ha ahụ n'ihu ọha n'ihi ịkpa oke megide ha na-arị ibe ya elu n'ọtụtụ ebe na mba.

Klein kwuru na ọnụ ọgụgụ ikpaoke megide ndị Juu rịrị elu n'afọ gara aga dịka gọọmentị si chọpụta, na enwere mpụ ịkpọasị dị 1,646 e mere megide ndị Juu n'afọ 2018.

Ebe mwakpo pụtara ihe e mere ndị Juu dị iri isii na abụọ n'afọ 2018.

N'egwuregwu

Image copyright Getty Images
Nkenke aha onyonyo Messi ebee ọzọ

Valencia agbawala Barcelona obi site n'iji ọkpụ goolu abụọ asatara otu merie ha ma buru Iko Copa del Rey nke afọ a.

Agbanyeghi nke a, onyeisi Barcelona bụ Josep Maria Bartomeu ekwuola na Ernesto Valverde ga aga n'ihu n'ịchịkọta Barcelona.

Nkeji

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe nkiri

Ngwaọrụ gị akwadoghi ọkpụkpọ mgbasa ozi
Media captionGburugburu: Ihe anyị ji echeta Gọv Ugwuanyi na nke anyị chọrọ n'aka ya ugbua