Gwongworo abụọ bu mmanụ ụgbọala enwurula ọkụ ma gbapịa ụgbọala n'ụzọ Legọs

Akụkọ na-ewu na mgbede a

Image copyright Trace

Ihe mberede okporoụzọ emerụọla mmadụ ise ahụ n'ụzọ si Ibadan gawa Legọs

Ihe ruru mmadụ ise merụrụ ahu n'ụtụtụ taa ka gwongworo abụọ bu mmanụ ụgbọala kwakọrọ isi n'ụzọ si Legọs gawa Ibadan.

Ndi hụrụ mgbe o mere si na ọkụ si ihe mberede a gbara ụfọdụ ụgbọala ndi ọzọ nọ n'okporo ahụ.

Image copyright Bashir Ahmad/ Twitter

Onyeisiala Buhari na ndi ọzọ anụọla iyi ọrụ

Njem ọchịchị onye kwuo uche ya nke ọzọ malitere taata na Naịjirịa dịka onyeisiala Muhammadu Buhari, osote ya na aka na-achịgasị steeti dị iche iche ọnụrụ iyi ọrụ.

Nke bụ agba nke atọ Buharị dịka onyeisiala Naịjirịa dịka ọchịbụrụ ka onye agha n'afọ 1984 tupu ọ rịa dịka onye nkiti n'afọ 2015.

Gọvano ndị ọwụwa anyanwụ ano sọkwa na ndị ṅụrụ iyi ọrụ taata.

Steeti ndị a bụ Ebonyi, Enugwu, Imo na Abịa.

Image copyright family handout
Nkenke aha onyonyo Awụrụ Nusrat mmanụ ọkụ wee mụnye ha ọkụ

Anwụchiela mmadụ 16 maka iji ọkụ gbagbuo nwa agbọghọ

Na mba Bangladesh, a kpupula mmadụ iri na isii a na-eche n'aka ha di n'ihe mere nwa agbọghọ eji ọkụ kwagbuo ụlọikpe.

Awụrụ Nusrat Jahan Rafi mmanụ ọkụ wee munye ya ọkụ ka ọ gbara ama na onye isis ọlụ akwụkwọ ha na awakpo ha n'ike.

Image copyright Getty Images

'Ipob nyụọ anwu, ọ gbaa ha!' - Onyeisi nd uweojii n'Enugwu

Ndi uwe oji n'Enugu steeti esitela n'ọnụ 'commissioner of police' bụ Suleiman Balarabe gwa ndị Enugu steeti na ha dị njikere maka iwu ndị Ipob mara gwa ndị mmadụ na ha aputa kwala ezi n'ụbọchi Mei 30. Ha kwuru nkea na ọgbakọ ha na ndị otu na ngalaba dị iche iche n'Enugu steeti nwere.

Image copyright Reuters

Germany na France: Onye ga achị EU ?

Germany na France na-ama aka ọnye ga-achị European Union dịka emechara ntuliaka ịhọpụta onyeisi otu ahụ n'ụbọchị May iri abụọ na asatọ.

Nne ukwu ndị Germany bụ Angela Merkel chọrọ ka ọnye nke ya banye mana ọnyeisiala France bụ Emmanuel Macron akpọtaghị nwoke Germany aha dịka ọnye na-azọ oche onyeisi EU.

Image copyright Reuters

'Mmachi USA machiri anyị ga eri ọrụ igwe mmadụ n'Amerịka' - Huawei

Na mba US, ụlọọrụ Huawei na-empụta ekwentị ekwuola na mmachi a machiri ha ga-emetụta ndị mba US n'ụzọ na-adịghị mma.

Image copyright Getty Images

N'Egwuregwu,

Chelsea na Arsenal bụ otu egwuregwu na-ejighị anya ahu onwe ha ga-akwata ya n'agba ikpeazu asọmpị English Europa League taa n'ọgbọ egwuregwu Olympic dị na Baku, Azerbaijan.

Gee nkeji a ebe a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Isiokwu Ndị Emetụtara