A tụnyela Philomina Chieshe sị na agwọ loro nde naira 35 Jamb ụlọmkpọrọ

Akụkọ dị mkpa taa:

A tunyela nwaanyị sị na agwọ lolo nde 3.5 Jamb ụlọmkpọrọ

Image copyright EFCC

Ụlọikpe n'Abuja atụnyela Philomina Chieshe, nwaanyị kwuru na agwọ loro nde naira Iri atọ na ise ego Jamb etinyere ya n'aka na mmadụ ise ndị ọzọ n'ụlọmkporo ganyere mgbe ikpe ahụ ga-ebi.

Chieshe sị na agwọ loro nde naira iri atọ na ise ga-azara ọnụ ya n'ihu ọkaikpe.

Image copyright Getty Images
Nkenke aha onyonyo Ndị EFCC na-eme nyocha banyere mpụ dị na Jamb

EFCC kpụpụrụ Philomina Chieshe ụlọikpe ka ọ ga kwuo etu ya na mmadụ ise ọzọ na agwọ jiri mee ego ha retara ngalaba na-ahụ maka ule mahadum bụ Jamb.

Biafra Remembrance : Ndị e chere bụ Ndị Ipob tiri Fada ihe

Ndị e chere na ha bụ ndị Ipob kpuru otu ụkachukwu Katolik a kpọrọ Fada Festus Ezeamaka bụ ụkọchukwu na-edu ụka katọlịk nke Saint Jude dị na Nnewi isi aba okpu ụbọchị Tozde.

Fada gwara BBC Igbo na ọ bụ ndị ntoroọbịa na-amanye ịnọdụ n'ụlọ ụbọchị Mee 30 nke 2019 wakporo ya ka ọ na-aga ịka 'Mass' ụtụtụ ụbọchị ihe mere.

"Ha jụrụ ma m che na ha na-egwu egwu mgbe ha si ka ndị mmadụ apụtaghị."

A 'gbabuọla' onye ruburu Kagame ọrụ

Image copyright @RNCWorldWide

Ndị na anọghị n'ọchịchị na mba Rwanda na-ekwu na agbauola Camir Nkurunziza bụ onye ruburu Onyeisial mba ahụ bụ Kagame ọrụ maburukwa onye na-alụ ọgụ maka ikike dịrị onye na mba Saut Africa ebe ọ gbagara ọsọ ndụ mana ndị uweojii Saut-Africa kwuru na ha ka na-enyo ebubo ahụ.

______________________________________________________________________________

Liverpool VS Tottenham: Ronaldo aghọla onye amụma?

Image copyright Getty Images

Ronaldo Da Lima gbaburu Brazil bọọlụ ebuola amụma na Liverpool ga-emeri Tottenham n' asompi ha-ga-agba ụbọchị Saturday.

Gee akụkọ ndị a nebe a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị ịkọ taa niile
Nkenke aha onyonyo Akpụrụakpụ Akachi ka ọ dị taa bụ Wenezde

Aka m adịghị n'ikutu Akachi - Ihedioha

Gọvanọ na-achị Imo steeti bụ Emeka Ihedioha agọọla na aka ya adịghị na nkụrịkpọ emere na akpụrakpụ Akachi dị n'Owere.

Agbanyeghi na a na-arụ aka na-ebe gọọmentị ya, Ihedioha kwuru na ndị Imo ahụghị ha bụ akpụrakpụ n'anya ma ga n'ihu katọ ya bụ akpụrakpụ.

Ndị amabeghị onye ha bụ gara ikutu Akpụrakpụ ahụ ụnyaahụ.

Image copyright AFP

N'Ofesi

Mba Congo anabatala ozu Etienne Tshisekedi ka omechara afọ abụọ ọ nwụrụ.

Tshisekedi bụbụ onyeisi party na-anọghị na gọọmentị nwụrụ na mba Belgium mana gọọmentị Laurent Kabila machiri ịbụlata ozu ya.

Nwa ya Felix Tshisekedi, bụzị aka na-achị Congo ugbua

Image copyright NFF
Nkenke aha onyonyo Ndị egwu Flying Eagle gbara ọnyụba n'asompi ha na mba Ukraine

N'Egwuregwu,

Flying Eagles nke Naịjirịa agafela agba nke abụọ n'asọmpị akpọrọ Fifa Under 20 World Cup na Bekee.

Flying Eagles ritere erere ịgafe mgbe ha na Ukraine ọkpụ ọkpụ sị onwe ya onye laba onye laba mgbe ha zutere ụnyaahụ.

Gee nkeji a n'uju ebe a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị ịkọ taa niile