Gianni Infantino: Nwamadi a ga-eji ọgbọ na Fifa rue 2023

Akụkọ dị mkpa taa:

A họpụtala Infantino maka ọkwa onyeisi fifa ọzọ

Gianni Infantino Image copyright Getty Images
Nkenke aha onyonyo Gianni Infantino weghara ọchịchị n'aka Sep Blatter n'afọ 2016

Gianni Infantino enwetala ohere ichi agba nke abụọ ya dịka onyeisi otu egwuregwu mba ụwa bụ Fifa.

O nweghị ọnye zọsara Infantino ọkwa ahụ na ntuliaka e mere na Paris, isiobodo France.

Infantino onye weghaburu ọchịchị n'aka Sepp Blatter n'afọ 2016 ga-eji ọgbọ rue afọ 2023.

Ikuku ọjọọ na-egbu mmadụ nde asaa kwa afọ- WHO

Image copyright Getty Images

Dika ụwa niile na-eme ncheta gburugburu taa bụ Wenezde, otu WHO ekwuola na nde mmadụ asaa na-anwụ kwa afọ site na ikuru ikuku adịghị mma.

Ha kwuru na mmadu itoolu n'ime iri na-ekuru ikuku adịghị mma.

Mmadụ 1618 nwụrụ na ọnwa atọ

Image copyright Getty Images

Ngalaba na-ahazi njem okporoụzọ na Naijiria bụ FRSC ekwuola na opekata mpe mmadụ otu puku ,narị isi, iri na asatọ tufuru ndụ ha n'ihe mberede okporoụzọ site na ọnwa Disemba rue ọnwe anwa Febụwari afọ 2019.

Abuja enyeghi m vootu mana aga m echekwa ha - Buhari

Image copyright Getty Images
Nkenke aha onyonyo Onyeisiala Naịjirịa bụ onye ikpeazụ ga-ebinye aka n'akwụkwọ maka ịhazigharị ụsoro ntụliaka ndọrọndọrọ ọchịchị ụgbụa

Onyeisiala Muhammadu Buhari ekwela ndị bi n'obodo Abuja nkwa na ọchịchị ya ga-agba mbọ ịhụ na o chekwara ha agbanyeghi na ha atụnyereghị ya vootu.

Buhari kwuru nke a mgbe ụfọdụ n'ime ndị bi n'Abuja gara kpọtụrụ ya n'Aso Rock n'emume Sallah.

O kwuru na ọ ga-echekwa isi obodo ọchịchị Naịjirịa n'ihi na na ihe ọjọọ ọbụla mere ya ga-emetụta ya na ọchịchị ya.

N'okwu ya "Anaghị m eyi Abuja egwu maka ichekwa ya bụ ichekwa m nụ osote m, eche m na ha dị njọọ mere ha ji tụnyere PDP"

Ndị zuru ego Imo Steeti ga-agbọ ya - Ihedioha

Image copyright Facebook/Ihedioha

Gọvanọ Imo Steeti bụ Emeka Ihedioha aṅụọla iyi kwuo na ọ ga-anapụta ego Steeti ahụ niile bụ nke ezuru ezu.

Ihedioha, onye kwuru nke a n'ọgbakọ idu ndị ụlọomeiwu steeti n'iyi ọrụ sị na ọ ga-eme nke a site n'enyemaka ndị ọrụ nchekwa dị iche iche.

Ngwaọrụ gị akwadoghi ọkpụkpọ mgbasa ozi
Media captionEmeka Ihedioha: M ga-edozi ihe mebiri emebi n'Imo steeti

Na Sudan

Image copyright AFP

Ọnụọgụgụ ndị egburula n'ọgbaghara Sudan eruola iri isii n'ime ụbọchị abụọ dịka ndị dọkịnta si kwuo.

Ọgbaghara a malitere mgbe ndị ọrụ nchekwa ịgbanwe ọchịchị gbabara egbe n'etiti ndị gba aka ngwaọgụ na-eme ngagharịiwe.

N'egwuregwu

Image copyright @NGSuper_Falcons

Otu Super Falcons nke Naịjirịa awụchiela na mba France maka asọmpi Iko Mbaụwa ụmụnwaanyị ga-ebiri ọkụ na Fradịde, bụ abalị asaa ọnwa Juun.

Ha ga-amalite asọmpi a mgbe ha ga-ezute mba Norway n'ụbọchị Satọde n'ime Otu Aa.

Nkeji

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ taa niile

Ihe nkiri

Ngwaọrụ gị akwadoghi ọkpụkpọ mgbasa ozi
Media captionNdị Igbo na Naịjirịa: Ihe Abaribe kwuru maka ọnọdụ ndị Igbo na Naijirịa

Ihe ndị ọzọ n'akụkọ a