Timi Dakolo: Ana m atụ egwu ndụ m

Timi Dakolo onye otiegwu Image copyright @timi dakolo/Instagram

Aisha Buhari bụ nwunye onyeisiala Naịjirịa dere na Twitter sị ka onyeisi ndị uweojii Naịjirịa tinye anya n'oku ndị otu ya kpọrọ Timi na Busola Dakolo.

Ndị uweojii na onwe ha kọwara ihe mere ha ji wụchie n'ihu ụlọ Timi n'ụbọchị Satọde, Julaị 20, 2019.

Ha dere n'elu Twitter sị na ha gara inye ya na nwunye ya akwụkwọ ozi ha ga-eji bịa za oku a na-akpọ ha n'ụlọorụ ha.

Ha kwuru na ihe mere e ji akpọ ha ya bụ oku abụghị ka anwụchie ha, kama na ọ bụ ka ha bịa kwuru ọnụ ha maka ebubo mwakpo n'ike ha na-ebo ụkọchukwu Biodun Fatoyinbo n'ime nyocha ndị uweojii na-eme.

Nke a na-abịa ka Timi dere n'elu Instagram ya etu ndị ọ na-amaghị bu egbe na ụgbọala si wụchie ụlọ ya ma gbochie ezinaụlọ ya.

O mechara kwuo etu ndị ọkaiwu ya si sị ya kwado maka ụbọchị dị etu a:

Alex Iwobi agọrọla isi onwe ya

Image copyright Getty Images
Nkenke aha onyonyo Iwobi malitere egwubọọlụ n'ụlọọzụzụ ndị Arsenal mgbe ọ dị afọ itoolu n'afọ 2015

N'egwuruegwu nwa afọ Naịjirịa bụ Alex Iwobi ekwuola na ọ nweghị mgbe ya ji kwuo na ya ga-ahapụ Arsenal ma ọ bụrụ na otu egwu bọọlụ ha gote Wilfried Zaha nke Crystal Palace.

Iwobi sị na nke ahụ bụ akaọrụ ndi amụmụ ụgha.

Ndị omekome emekwa ọzọ n'Enugwu steeti

Image copyright Ikechukwu Ilo
Nkenke aha onyonyo Rev. Fr. Ikechukwu Ilo bụ onye isi nchụaja na St. Patrick Parish, Nome

Ka anyị bido n'Enugu steeti ebe ndị omekome wakporo Rev. Fada Ikechukwu Ilo n'Nume dị n'okpuruọchịchị Nkanu East ụbọchị tọzde.

Fada Ikechukwu bụ onye nọ na Annociation Hospital, Emene anata ọgwụgwọ ụgbụa sị na obi dị ya ịnụ na ndị uweojii ekweteghị na ọ bụ ndị Fulani na-achi ehi wakporo ha.

Gọọmentị Zamfara azọpụtala mmadu 15 n'aka ndị ntọrị

Image copyright Abubukar Mohammed Daura
Nkenke aha onyonyo Ndị omekome na akpa nkpankpa na Zamfara

Gọọmentị Zamfara steeti azọpụtala mmadu iri na ise bụ ndị ndị ntọrị tọrọ onwa atọ gara aga.

Ndị a zọpụtara gwara BBC na ndị ntọrị a biara n'ụlo ha ma na ugbo ha were tọro ha.

Dịka nkea n'eme ka igwemmadụ bu ozu mee ngagharịiwe n' obi gọmentị ha na Gusau bụ isi obodo ha.

Igwemmadụ a sị Kaura-Namoda tigaara gọọmenti mkpụ, na ike agwụla ha maka ogbugbu ndị omekome na-egbu ndị be ha agbanyeghị akwụkwọ udo ha na ha binyere aka.

Philip Hammond "arụkwaghịm ma Bori Johnson bụrụ onyeisiocheBriten"

Image copyright Getty Images
Nkenke aha onyonyo Phillip Hammond

Phillip Hammond ekwuola na ya ga-agba arụkwaghị m ọ bụrụ na Boris Johnson mechaa were ọnọdụ dịka onyeisiọchịchị mba Briten.

Iwe Hammond bụ na ọ sị na Johnson enweghị ihe o kwuru ọ ga-eme ma ọ bụrụ na ha na European Union enweghị nkwekọrịta na ọpụpụ Briten chọrọ ịpụ na EU.

Gere akụkọ BBC Igbo n'otu nkeji ebe:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Buhari etiela ndị Sokoto aka n'obi maka ọnwụ mmadụ 37

Image copyright Getty Images

Onyeisiala Muhammadu Buhari etiela ezinaụlọ ndị ihe metụttara na Sokoto aka n'obi.

Buhari kwara arịrị maka etu ndị omekome si wakpoo okpuruobodo Goronyo dị na Sokoto ma gbuo ihe ruru mmadụ iri atọ.

O kwukwara na ọ ga-agba mbọ hụ na e wepụtara usoro nchekwa ga-arụ ọrụ ma kwụsị oke ogbugbu.

O kwuru nke a ka ọ na-akatọ ogbugbu ndị ahụ.

Peter Obi arịọla maka olileanya

Image copyright AFP

Peter Obi bụ onye zọrọ ọkwa dịka osote onyeisiala n'okpuru pati PDP arịọla ndị Naịjirịa ka ha ghara ịda mba n'inwe olileanya gbasara ihe ga-eme n'ụlọikpe.

O kwuru nke a n'ọgbakọ ndị isi a hụrụ kwaba okpu nke ndị PDP mere n'Ọka dị n'Anambara steeti, ebe ọ nọ kelekwaa ndị otu ya maka mbọ ha gbara oge ntuliaka.

N'ofesi,

Ndị ụlọọrụ ụgbọelu British Airways akagbuola njem niile kwesịrị isi Briten gaa Kairo dị na mba Ijipt n'izu a.

Image copyright @Al_SHEIKH
Nkenke aha onyonyo Ụfọdụ ndị tọrọ n'ọdọụgbọelu ahụ na-eche etu ha ga-esi eme njem n'izu a

Ha kwuru na ọ bụ maka ihe gbasara nchekwa ka ha ji kagbuo ya, mana ha ekwughi ihe ọ bụ kpomkwem.

N'egwuregwu,

Ndị CAF kwuru na goolu narị na abụọ e nyere n'asọmpi Iko Mba Afrịka nke afọ a bụ nke a kachasị nye n'ime otu asọmpi kemgbe e hibere asọmpi a.

Gere akụkọ BBC Igbo n'otu nkeji ebe:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Ihe nkiri a ga-amasị gị:

Ngwaọrụ gị akwadoghi ọkpụkpọ mgbasa ozi
Media captionNne m chọbụrụ ịza 'mma engineer' - Zoro

Isiokwu Ndị Emetụtara