Boko Haram Attack: Mgbọ tụrụ ụmụakwụkwọ Mahadum abụọ nọ ekpere na Maiduguri

Ụzọ mahadum Maiduguri Image copyright Getty Images

Otu nwata akụkụkwọ sị na ọdachị jekwuru ụmụakwụkwọ abụọ nọ ebe ha na-ekpe ekpere mgbe mgbọ amaghi ebe osi tụrụ ha na Mahadum Maiduguri na Tọzde Julaị 25.

Oluchi Benjamin gwara BBC Igbo na mgbọ ahụ batara ka ha na-achọ imechi nzukọ ekpere n'amalị elekere asaa n'ọkara nke abalị ahụ.

Ọluchi sị: "Anyi na-eme ekpere mgbe anyị nụrụ ụda wee chọpụta na mgbọ egbe tụrụ mmadụ abụọ."

Kennedy Ngamchak bu onyeisi otu ndị ofufe Kraịst akpọrọ "Redeemed Christian Fellowship" gwara BBC Igbo na ọ bụ ụmụakwụkwọ abụọ ka mgbọ a metụrụ.

"Mgbọ ahụ banyere n'oche tụọ otu onye n'aka tupu ọ banye onye ọzọ n'ụkwụ."

O nyere aha ndị mgbọ ahụ metụrụ dịka Isa Yakubu Buba nọ na ngalaba ọrụ ụgbọ naka onye ọzọ ọ sị na ọ bụ Sam ka o ji mara.

Ngamchac sị na ha buru mmadụ abụọ gawa ụlọ ọgwụ mmụzị nke mahadum ahụ.

"Otu onye n'ime ha pụtara ụnyaahụ, mana onye nke ọzọ ka nọ ebe ahụ. A na-ekwu na a ga-eme ya xtray ka amara etu merụ ahụ ha ruru."

Oluchi gwara BBC na ha na-anụ ụda egbe na ihe ha che na ọ ga-abụ ogbunigwe mgbe ha si ebe ahụ pụta.

Ngamchac kwenyere na nke a bụ eziokwu na ọ bụ na mwakpo emere n'obodo akpọrọ Dalori ndị a na-eche na ha bụ Boko Haram wakporo ka ogbunigwe ahụ dara.

Ọ sị na ọ ga-abụ ebe ahụ ka mgbọ ahụ tụrụ ụmụakwụkwọ si.

Na soshal midia, ndị mmadu na-ede maka mwakpo ahụ.

Ma onye tinyere ihe onyonyo gosiri ndị mmadụ ọ sị na-agba ọsọ maka mwakpo ahụ.

BBC Igbo na-agba mgbọ ịnụta n'ọnụ ndị uweojii na ndị agha Naịjirịa.

Mana ndị otu ọru gbata gbata akpọrọ Red Cross na Bekee gwara BBC na ha amatabeghi maka ihe mere.

Anyị na-eche ka ndị ọrụ nchekwa zaa oku anyị na-akpọ ha n'ekwenti.

Isiokwu Ndị Emetụtara

Ihe ndị ọzọ n'akụkọ a