Okoi Obono-Obla: Buhari akwụsịla nwa amadi a ọrụ n'ike

Okoi Obono-Obla Image copyright Okoi Obono-Obla/Facebook

Onyeisiala Naijiria bụ Muuhammadu Buhari akwụsịla Okoi Obono-Obla bụ onyeisi otu pụrụiche e hiwere maka igbapụta akụ na ihe enwenwe gọọmenti Naijiria e zufuru ezufu.

Ụlọọrụ onyeisiala bụ ihe gbnbara nke a nn'anwụ n'akara Twitter ụbọchị Wenezde.

Ha kwuru na nkwụsị ọrụ n'ihe ahụ ga-adịgide ganye na ICPC emechaa nnyocha banyere okwu metụtara nwa amadi ahụ.

Nkwụsị ọrụ n'ike a a kwụsịrị na-eso ọtụtụ ebubo e borola ya nke gụnyere ebubo iji asambodo adịgboroja arụ ọrụ.

Nigerian Prisons: Aha ụlọmkpọrọ Naịjirịa bụzi 'Nigerian Correctional Service

Image copyright Getty Images

Onyeisiala Muhammadu Buhari etinyela aka n'akwụkwọ iwu ga-agbanwe aha ụlọmkpọrọ Naịjirịa site n'ịza Nigerian Prison Service zawa zie Nigerian Correctional Service.

Onye enyemaka ya pụrụiche n'ihe banyere ụlọomeiwu bụ Ita Enang kwupụtara nke nye ndị ntaakụkọ n'Abuja na Wenezde.

Mgbachi ahia ọdụ anụ niile n'Enugwu Steeti

Ndị isi ahịa n'Enugwu esorola nzọmụkwụ otu Miyetti Allah n'ịmachi ogbugbu anụ ọbụla n'abalị abụọ.

Abalị abụọ ahụ bụ ụbọchị 14 na 15 n'ọnwa ọgọst ebe ndị Miyetti Allah manyere ndị otu ha ọzụzụ nchekwa.

N'ime akwụkwọ ozi nke BBC bitere aka, ndị isi ahịa machiri "ogbugbu na ọzụzụ anụ ehi ọbụla"

"Anyị na-agwa ndị otu anyị na a ga-agbachi ụlọ anụ onye ọbụla dara iwu a ebighebi" ka akwụkwọ ozi ahụ kwuru.

Ngwaọrụ gị akwadoghi ọkpụkpọ mgbasa ozi
Media captionEhi ga-eberịrị 'moo' tupu e ree ya n'ahịa anyị

Na mba Kenya

Image copyright The Standard

Ndị ọrụ obodo mpaghara ndịda anyanwụ Kenya abọpụtala ozu otu nwoke eji uwe ọrụ ya lie ma yipu uwe ọrụ na-agwaghị ezinaụlọ.

Nwoke a kpọrọ Shikuku Alukoye bụ onye ọrụ obodo Kakamega rue oge ọnwụ ya nke e mere eji were uwe ọrụ lie ya na nkwanye ugwu.

N'egwuregwu

Liverpool na Chelsea ga-anwa ike ha n'asọmpi Iko Uefa Super Cup nke abalị a n'ọgbọ egwuregwu dị n'Istanbul.

Iko Uefa Super na-adị n'etiti ndị mabutere Iko Uefa Champịọns League na ndị mabutere Iko Uefa Europa league.

Nkeji

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Buhari agwaala CBN kwụsị ịnye ndị na-ebubata nri dọlla azụmahịa.

Onyeisiala Muhammadu Buhari enyela iwu ka akwụsị inye ndị na-ebubata nri ego dọlla iji zụ ahịa.

Ọ kọwara na nke a bụ maka na nrụpụta ihe oriri n'ala Naịjirịa arịala elu ma kwuo na a ga-eji ego dọlla ahụ ekepụtara dozie obodo.

Na mba ofesi

Image copyright Getty Images

Aka na-achị Dar-es-salaam na mba Tanzania bụ Paul Makonda ekwuola na ọ ga-adị mma ma enwe ndekọ ụmụnwoke lụrụ nwaanyị n'otu ebe nke ụmụ agbọghọbịa nwereịke ịle anya.

O kwuru na ọ bụ iji belata oke akwamiko nakwa ịgba n'ezi na-emetụta ụmụ nwaanyị kachasị.

N'egwuregwu,

Otu Chelsea eferela Kenneth Omeruo aka dịka ha resiri ya otu Leganes kpam kpam.

Omeruo nke otu Chelsea zụrụ n'afọ 2012 agbabeghiri otu ndị nnukwu Chelsea bọọlụ chaa chaa kemgbe a zụrụ ya.

Akụkọ BBC Igbo na nkeji

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile