Pope Francis: Onyeisi ụka fada tọrọ na liftu

Pope agbalahụla ọdachị n'ụtụtụ Sọnde

Pope Francis Image copyright EPA
Nkenke aha onyonyo Ọtụtụ mmadụ na-akatọ Pope Francis maka mmgbanwe ọwetere n'ụka

Pope Francis tọrọ na liftu n'ụtụtụ a mgbe ọ na-aga ụka ụtụtụ Sọnde.

Ọ tọrọ ebe ahụ ihe ruru nkeji iri abụọ na ise bụ mgbe ndị ọrụ gbanụgbanụ ịmenyụ ọkụ bịara zọtụta ya ebe ahụ.

Nke a mere ka Pope ghara ị ga ụka n'oge nke mere na-ọrịrịọ ndị bịara ụka mgbaghara maka nke a, ma kelekwa ndị ọrụ mgbanụgbanụ ahụ n'ụzọ pụrụiche maka ị gbakwụte ya mgbe ahụ.

Pope rịọkwara ndị ụka ka ha kelekwa ndị ọrụ ahụ zọpụtara ya na ya bụ liftu o ji agbada na St. Peter's Square maka Anjelusu ụtụtụ.

Akụkọ ndị Bloomberg buru na ọkụ latrik tabiri anya mgbe ya bụ liftu ji nwụọ ọkụ n'ụzọ.

SERAP agbaala ndị omeiwu akwụkwọ

Image copyright Uche Akolisa
Nkenke aha onyonyo Ikpe nkwụmọọtọ bụ oke dịrị mmadụ niile

Ndị otu kwụụrụ onwe ha bụ SERAP, BudgIT, Enough is Enough nakwa ndị mmadụ karịrị puku isii agbaala ụlọomeiwu etiti akwụkwọ maka akatamkpo ego ha mapụtara iji goo ụgbọala ọhụrụ.

Ha na-arịọ ụlọikpe ukwu dị n'Ikoyi Legọs ka ọkwela ha jiri ego karịrị ijeri Naịra ise goo ụgbụọla bụ nke ha sị na omegidere iwu ala Naịjirịa.

Maka ọrụ ndị uweojii ga-ewe

Image copyright NPF/Twitter
Nkenke aha onyonyo Ndí uweojii Naíjiría akwadola ílúsa ndí Omeketereihepúújó agha

Ndị uweojii ekwusiela ike na ha ga-akwụwa aka ọtọ mgbe ha ga-ewe ọrụ ha sị na ha ga-ewe mgbe adịghị anya.

Onye na ahụ maka mmekọrịta ha na ndị mmadụ bụ Ikechukwu Ani kwere nkwa ụbọchị ụka n'Abuja.

Iwobi ejirila iwe mapụta ihuọgụ

Image copyright Reuters

N'egwurewgwu, Nwafọ Igbo bụ Alex Iwobi nyere otu goolu na goolu atọ Evaton ji merie Wolverhampton Wanderers bụ ndị satara abụọ n'ime ha na asọmpi Premier Lig nke Sọnde.

Nke a bụ goolu abụọ Iwobi na-enye n'izu ụka a.

Nkeji Igbo

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Ọdachi na Texas

Image copyright AFP

Ihe ruru mmadụ ise anwụọla ebe ihe ruru iri abụọ merụrụ ahụ dịka otu nwoke bu egbe na-agba ndị ọkwọ ụgbọala na ndị ji ụkwụ aga n'obodo Texas dị na mba Amerịka.

Isi nwoke ahụ lakwara na ya bụ ihe dịka ndị uweojii gbaturu ya oge o rutere na sịnịma ebe o bu n'obi imere na-aga.

Onyeisiala mba Amerịka bụ Donald Trump tinyekwara ọnụ na ya bụ okwu.

Buhari alọtala

Image copyright Twitter/ Bashir Ahmad

Onyeisiala Muhammadu Buhari alọghachitela Naịjirịa dịka nzukọ kpọgara ya na mba Japan bịara n'isi njedebe.

Ọ batara n'abalị ụbọchị 31 nke Ọgọstụ.

Gọvanọ Ọwụwa Anyanwụ amachiela ịchị ehi agagharị

Image copyright Presidency/Twitter
Nkenke aha onyonyo Ndị gọvanọ ọwụwa anyanwụ Naịjirịa

Ndị Gọvanọ steeti niile dị n'Ọwụwa Anyanwụ enweela nkwekọrịta imachi ngagharị ndị ọchiehi, ọkachasị ndị nke na-ebu egbe na mma, na steeti ha.

Ha mere mkpebi a na nzukọ pụrụiche ha nwere n'Enugwu ụnyaahụ, ebe ha nọ kwuo na ndị nchekwa steeti ha niile ga-eso hibe iwu a.

Gụọ akụkọ a n'uju ebe a: Gọvanọ Ọwụwa Anyanwụ amachiela ịchị ehi agagharị

N'egwuregwu,

Nwaafọ Igbo bụ Eze Joy Ogbonne, esonyela na ndị Naịjirịa ji aba n'ihe gbasara egwuregwu.

Ogbonne dị naanị afọ iri na ise so na ndị Igbo atọ nwetara ihe nrite ọlaedo site n'ibuli igwe e ji akpụ ụzụ, n'asọmpi African Games bịara n'isi njedebe na Moroko ụnyaahụ.

Gere akụkọ BBC Igbo n'otu nkeji:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Ihe nkiri a ga-amasị gị:

Ngwaọrụ gị akwadoghi ọkpụkpọ mgbasa ozi
Media captionNwata nwoke nne na nna ya bụ ndị ogbu, ji mkpịsị aka ha akparịta ụka.

Isiokwu Ndị Emetụtara