Ogun state Murder: Otu nwoke ejirila ụra magbuo nwunye ya

Nwoke ji aka tigbuo nwunye ya

Image copyright Nigeria Police Force

Ọnụ na ekwuchitere ndị uweojii nke Ogun steeti bụ Abimbola Oyeyemi ekwuola na ha ejikpala otu nwoke ji ụra magbuo nwunye ya na ya bụ steeti.

Kingsley Madukwe onye ihiala Anambra Steeti gbara afọ iri anọ tigburu nwunye bụ Glory Madukwe gbakwara afọ iri anọ maka na ọ jụrụ inye nwa ọhụrụ ha mmiri ara ka ọ ṅụọ.

Madukwe onye na-agba ọkada na nwunye ya ji ụmụ asatọ.

Ndi akaebe kwuru na akwa nwa kpọtere Madukwe n'ụra nke mere ka ọ gwa nwunye ya ka ọ ga-nye nwa ara.

Nwunye gwara ya na ike adighi ya.

Nkea kpaliri iwe di ya nke mere ka ọdọghachi ya were jiri iwe maa ya ụra.

Ọ bụ ụra a butere ọnwụ nwunye ya dịka ọ dara n'ala were laa mụo n'ihe dịka elekere iri na otu na ọma nke abalị.

Ka ọ di ugbua, etinyela ozu nwunye ya n'ụlọ ozu dị n'Otta, Ogun steeti ma nyefee di ya n'aka ngalaba uweojii pụrụ iche na-ahụ maka ogbugbu mmadụ.

Seun Onigbinde: Ụmụ Naijiria kpụ n'ọnụ dịka nara ọkwa na gọọmenti Buhari

Image copyright BudgIT/Facebook

Ụmụ Naijiria ebola Seun Onigbinde ebubo isoro mụọ gbuo mmadụ soro mmadụ akwa ya dịka ọ nara ọkwa n'ọchịchị onyeisiala Muhammadu Buhari.

Onigbinde, onye nwe ụlọọrụ BudgIT na-ewu na soshal midia dịka o nwetara ọkwa 'Technical adviser' na ngalaba gọọmenti na-ahụ maka bọjeti. d

Mana akụkọ ahụ were ọtụtụ ụmụ Naijria ezigbo iwe dịka ọ bụ onye a mara na Twitter maka ịkatọ Buhari.

Ụfọdụ dịka @Ezeakachidozie gara bọpụta okwu ndị Onigbinde buburu maka Buhari na ọchịchị ya.

@sidramatics kwuru na Onigbinde ị nara ọkwa n'ọchịchị Buhari ma gbara ọsọ wepụ akara Twitter ya na-egosi n'ọbụ onye ego kachasị mkpa.

@TosinOlugbenga kwuru na Pius Adesanmi nwụrụ anwụ buru amụma na ụbọchị ike Naijiria ga-akwụ ya bụ ụbọchị Onigbinde ga-agbaghapụ ihe ọ na-arụ na BudgIT gaa nara ọkwa n'aka gọọmentị.

Mana ụfọdụ dịka @LifeOfRouvafe ahụghị ihe ọjọọ dị n'agwa Onigbinde kpara.

Adele agbaala di ya alụkwaghịm

Image copyright Getty Images
Nkenke aha onyonyo Ha abụo kwekọrịtara na ha ga-etinye aka were zụo nwa ha nkeọma

Onye otiegwu ama ama bụ Adele Laurie Blue Adkins eji Adele mara ga-apụta n'ahia ndi na-ejighị dị dịka ọ gbara di ya alụkwaghịm.

Adele na di ya bụ Simon Konecki mere enyi afọ ise tụpụ ha alụo ka di na nwunye.

N'ime afo ise a ga ha mụtara otu nwa nwoke bụ Angelo.

Adele na di ya lụru na nzụzo n'afọ 2016.

Adele turu ụgo n'iti egwu nke mere na egwu nke atọ otiputara gara ahịa ma ree puku narị asatọ na izuụka mbu ya.

Mana isi sekpụ ntị ụgbụa bụ ego ole nwaamadị a bụ Konecki ga-enweta maka nkesa alụmdinanwunye ya na Adele.

Oke osisi adaala

Image copyright @NOIweala
Nkenke aha onyonyo Obi Chukuka Okonjo bụ Ọkankuzi onye depụtara akwụkwo ikpeazu ya mgbe o di afọ iri itolu

Ọnwụ akpọrọla Obi Chukuka Okonjo onye bubu Obi Ogwashiukwu ka ọ ga soro ndị ichie ibe ya zụo ike.

Obi Okonjo bụ Nna ọkonjo iweala nwụru na Legos dịka ọ si njem na mba Amerịka na Ghana lota.Ọ gbara afọ iri itolu na otu.

NLC hụrụ aka enwe n'ofe gọọmenti

Image copyright AFP

Otu 'Nigeria Labour Congress' na-ekwu na nkata gọọmenti etiti kpara ibuli ụtụ isi nke a kpọrọ 'Value Added Tax' ga-eme ka mbuli ụgwọọnwa opekatampe ghara ibaziri ndị ọrụ uru.

Ha na-ajụ ma ụmụ ogbenye a ga-emezi aghaa?

Na mkparịtaụka ya na ndị ntaakụkọ ụnyaahụ, odeakwụkwọ ndị NLC bụ Emma Ugboaja kwuru na ha anabataghị mbuli ụtụ isi 'VAT' ahụ chaa chaa.

Ngwaọrụ gị akwadoghi ọkpụkpọ mgbasa ozi
Media captionNew minimum wage: 'Ego ahụ enweghị ihe ọ ga-ezu'- Ndị ọrụ

N'okwu ya: "Gọọmentị chọrọ iji ụzọ aghụghọ narakwa ndị ọrụ ego ha tinyere n'ụgwọọnwa opekatampe."

"Ihe a ga-eme bụ ime ka ọtụtụ ndị na-anaghị akwụ ụtụisi ha malite kwụwa, ọbụghị ibuli ego ụtụisi."

Cheta na gọọmentị etiti buliri ụgwọọnwa opekatampe site na puku naịra iri na asatọ ruo puku naịra iri atọ.

Mana amalaitebeghi kwụwa ya mmadụ niile.

Naịjirịa na Iran ekwekọrịtala ịchabi mmanụ

Image copyright Getty Images

Otu Opec ekwekọrịtala ịchabi mmanu agbidi ha na-eresi mba ụwa.

Naịjiriịa na Iraq kwetara ịsonye na ya bụ ịchabi mmepụta mmanụ, ọkacha ụgbụa Amerịka kpopere pọmpụ nke ha.

Iraq, bụ mba nke abụọ kacha epeụta mmanụ agbidi n'otu Opec, ekwela ibelata mmepụta mmanụ ruo udu 175,000 kwa ụbọchị.

Ebe Naịjirịa ga ebelata aka ruo udu 57,000 kwa ụbọchị.

Ọnụahịa mmanụ agbidi na-ada n'ike n'ike n'ihi ahụhụ mba Amerịka na-ata mba Iran na Venezuela.

Davido na Chioma agbaala ngọrịngọ

Image copyright INSTAGRAM/DAVIDO ADELEKE

N'akụkọ ọzọ, oti egwu a ma ama bụ Davido aghọkwaala ọgọ anyị o!

Davido egbuola ikpere n'ala jụọ enyi ya nwanyị bụ Chioma "biko, ị ga-alụ m?"

Gụọ akụkọ na ụjụ na ọbaozi anyị.

Mmerụahụ echiela Laporte aka n'ala

Image copyright Getty Images
Nkenke aha onyonyo Laporte agaghị agba bọọlụ tutu Febuarị 2020

Onye egwu bọọlụ nke Manchester City bụ Aymeric Laporte agaghị enweike igba bọọlụ ọzọ tutu ọnwa Febuarị 2020 maka mmerụahụ.

Ọ bụ onyekuzi ha bụ Pep Guardiola kwuru na Laporte meruruahu na asọmpi ha na Brighton gbara nsonso a.

Ụmụnwaanyị eburula bata 18

Image copyright Getty Images

N'egwuregwu, Manchester City ji ọkpụ goolu asaa asatara otu saa ndị Lugano ahụ n'asọmpi Champions League nke ụmụnwanyị unyaahụ.

Ha kwukwara ya ekwu na ihe nwoke ga-emenwu, nwanyị ga-eme ya karịa.

Gee akụkọ ndị a n'otu nkeji

Ngwaọrụ gị akwadoghi ọkpụkpọ mgbasa ozi
Media captionBBC Nkeji

Akụkọ ga-amasị gị